Leku-izenak

(...)
Kalea / Calle: ED50 30T X.500425, Y.4772904, 170 m. // Herriguneko kale nagusiaren azkenengo zatia da, Laudiorako irteerari dagokiona alegia [17 Ikus Zubibarri eta kale nagusiaren zatiak Kallebarrena atalean]. Auzo honetan dago Otazu izenaz ezagutzen den Erdi Aroko zubi konkorduna ere, Nerbioi ibaia zeharkatzen dutenetan zaharrena. // Euskarazko izen honen osagaiak ote izena (Ulex sp.) eta -zu ugaritasun atzizkia dira, oso maiztasun handikoa landare izenekin. Toponimoaren esanahia, beraz, ‘otadia, otea dagoen lekua’ da. Bitxia bada ere, gaur egun ere Aiaran ahozko erdal hizkeran otaka euskal hitza erabiltzen da –ote eta -ka partikula txikigarria– landare hau identifikatzeko
(...)