(...)
Otrosy a lo que vos las dichas villas de Bitoria e Trevinno e Salvatierra me enbiastes desir que para se bien governar e guardar la dicha hermandat que era nesçesario entrasen e fuesen en ella la puebla de Argançon con su juridicion e Lanclares de la Oca e Ollavarri e la hermandat de Arimes e de Cuygiotia e Arybarrittia e Hubarrundia e Villarreal de Alava e su juridiçion e Egilas e Barrundia e Ganboa e Yruraes e Harraya e Araya e Contrasta e Pennaçerrada con su juridiçion e los otros logares que son en comedio dellos mando vos que enbiedes requerir a cada uno de los dichos logares que entren en la dicha hermandat
(...)