Leku-izenak

(...)
Dok.: Bideguirena XVII-XVIII. mendeetan, XIX.ean desagertua. // Kokalekua: Iñarreta auzoa, Mikelestonearen ondoan, gainaldetik segur aski. // Etimologia azalpena: Honen osagaiak, irudi duenez, bidegin ‘bidegilea (caminero gaztelaniaz) eta genitibo gehi artikulua (-ena) dira. Hasierako *Bideginena, sudurkari disimilazioz edota -rena bukaera duten oikonimo ugariekiko analogiaz, Bidegirena bihurtuko zen (Estebanena zenbait tokitan Estebarena bilakatu den era berean). Gaur egun ez dugu ikusten ahal, noski, baina bertze erreferentzia batzuk direla-eta badakigu Karrikan bide nagusiaren ondoan kokatua zegoela, eta, beraz, ezin erabat baztertu bide + -egi ‘bide tokia’ edo bide + hegi ‘bide bazterra, bide ertza’ dugulakoa. Honela izatera, halarik ere, bukaerako -rena hori tokiz kanpo legoke. Bertze azalbide bat Bidegi deitura zuen norbaiten etxea zela pentsatzea da.
(...)