Leku-izenak

(...)
Dok.: Aldatsea XVII. mendean, Aldasea XVIII.ean, Aldasea, Aldatsea XIX.ean, Aldatsea XX.ean. // Ebakera: Aldátsià. // Kokalekua: Lakain-Apezborro auzoa. Etxagaraiko bordaren gainaldean dago. // Izengoitia: Aldáts. Etxe honetako gizonari horrela deitzen zioten, nahiz eta gero Karrikan bizi. Gaur egun, ordea, hura hila da; etxea kanpotar batzuek berreraiki dute eta asteburuetan etortzen dira herrira. Egun, bada, izengoiti hori ez da erabiltzen. // Etimologia azalpena: Osagaiak aldats ‘aldapa, malda’ oinarria eta -ea bukaera dira. Bigarren hau oikonimoa toki kasuetan ibiltzearen ondorio da, hau da, Aldatsa izanen zena deklinatzearen (Aldatsean, Aldatsetik, Aldatsera, Aldatseko) ondorio, hondarrean jendeak etxea Aldatsea zela, eta ez Aldatsa, pentsatu baitzuen. Kokalekuak azalpen etimologikoa berresten du.
(...)