Leku-izenak

(...)
Dok.: Michelarrena XVII. mendeaz geroztik. // Ebakera: Mitxélarnià. Galduxe dago izen hau; orain Herriko Etxea (Erríkoitxiá) erraten zaio. // Kokalekua: Anduetzeta auzoan dago, errepidearen aldamenean, Gastienearen eta Iturriaren artean. Gaur egun Herriko Etxea da (ikus sarrera hau). // Etimologia azalpena: Irudi du oinarrian *Mielar dugula; bukaeran genitiboaren hondarkia eta artikulua daudela zalantzarik ez da. Nolanahi ere, dokumentatzen den izena Mikel(e)-ren Mitxel (Mitxele behin edo bertze) hipokoristikoa da, Etxalargo bereko Mitxelenea oikonimoan duguna. Mitxel(e)-ren ondoan dagoena Lar izan liteke, beharbada Larre deitura, frantses moduan ebakia, bukaerako bokalari doakionez. Bertze gisan, Larre osorik bagenu *Michelarrerena agertuko litzateke segur aski lehen lekiikotasunetan, baina ez dago holakorik. Bertze azalbide batzuk ere badira, halarik ere.
(...)

(...)
Dok.: XVII-XIX. mendeetan Mitxelarrena izena zuen etxe honek. XIX. mendearen azkeneko urteetan bere eginkizunetarako hautatu zuen Udalbatzak. Alabaina, Mitxelarrena, Mitxelarrenea izena agertzen da anitzetan XX. mendeko idatzietan ere; Errikoechea mende horren bigarren erdialdean ikusten dugu. // Ebakera: Erríkoitxià. // Kokalekua: Anduetzeta auzoan dago, errepide ondoan, Gastienearen eta Iturriaren artean. // Etimologia azalpena: Osagai argiak herri, -ko eta etxea dira. Herriko Etxea edo herrikoetxea hagitz hedaturik dago Nafarroan eta bertzetan, batuan azken urteotan Udaletxea zabaldu bada ere. Ikus Mitxelarrenea izena.
(...)