(...)
San Martín ermita herrian zegoen, oraingo El Rebote dagoen tokian (ikus sarrera honetan dioguna). Lehen auzo bati ematen zion izena, desagertu ere den Barrio de Iriondoa-ri seguruenik.
Jendeak badaki ermita edo eliza izan zela hemen, oraingo horma ezezik arkuak ere ezagutu dituztelako. Dokumentazioaren arabera Camino de Pamplona igarotzen zen ermitaren hurbiletik.
Junto a San Martín ermitaren ondoko alderdia zatekeen, eta Sobre San Martín berriz, elixattoaren gaineko aldea. Tras de San Martín-ek, azkenez, ermitaren atzeko aldea adierazten zuen, eta seguru asko euskarazko *San Martingibela edo *Jaun Done Marti(a)gibela (cf. Uxueko San Martín = Jaun Done Martia) baten itzulpena zen.
(...)
(...)
Agezako Coseras aztertzean esan dugun moduan, Iriondoa erdal izen horren ordain euskalduna izan zitekeen.
Iriondoa herriaren goiko aldean zegoen, lehengo San Martín ermitaren alboan, eta beraz Barrio de San Martín eta Barrio de Iriondoa auzo bera zirela garbi samar dago.
Dokumentazioan ikusten denez errekaraino iristen zen.
Larrain hauek egungo Debajo de las Eras sarrerako Las Eras izan zitezkeen, Iriondoa-k Camino de Moriones-ekin ere mugatzen zuenez gero (ikus sarrera hau).
Torre de Iriondoa, esan gisan, Dorreko itxaurraldea-n dugun Dorre bera bide da (ikus sarrera hau eta Clavería).
(...)