Leku-izenak

(...)
Zareko larrainak herriaren ondoan egon dira berriki arte, goiko eta beheko auzoen aldirietan, eta Eras del Barrio alto eta Eras del Barrio bajo deitu izan zaie. Bi multzo hauetako larrainek gero nagusiaren etxearen izena hartzen zuten. Hauetaz landara, Era del Palacio zegoen jauregiaren ondoan, eta Era del Palaciano (Casa del Palaciano deitu etxekoa zen) hilerriaren aldamenean.
(...)

(...)
Hiri izena eta barren posposizioa ditugu Irigoien eta Iriartea-ri kontrajartzen zaien toponimo honetan. Iribarren-etik abiatzen ziren Oibar eta Kasedako bideak, eta larrain bat (gutxienez) eta larratzak zeuden bertan. Masu Nittak [Notas lingüísticas..., 21. or.] Zareko Las Relazas toponimoa aipatzen du, eta hau egun bizirik ez badago ere, dokumentazioko Las Larrazas-en itxuragoiztotu bat izan liteke. Ikerlari japondarrak Irigaray Imazek Orba ibarrean biltzen duen relaza 'terreno inculto con hierba fina'-rekin identifikatzen du, eta larre eta laza 'flojo, suelto, descuidado'-z osaturikakotzat jotzen. Autore beraren arabera, hasierako la-ren galtzea erdarazko artikulutako hartzearen ondorio litzateke. Gure ustez, ordea, euskarazko Larratz-ekin identifikatu behar genuke [Gainera larreak handiak, berriak, leunak, meharrak, motzak… izan daitezke, baina ez, dakigula, "laxoak".]. Barranco de La Fuente de la Plaza zeritzana ere hemen barna igarotzen zen (ikus sarrera hau). Iribarren, esan bezala, Barrio bajo-ren euskarazko ordaina genuen.
(...)

(...)
[-Tze, -tza atzizkiak. Zare] Ezporogiko Larratza toponimoaren plural erdalduna da (ikus sarrera hau, Uxueko Beltranlarratza eta Zareko bereko Bidatza, azken hau -as / -az, -es / -ez…eta besteri eskainitako atalean).
(...)