Leku-izenak

(...)
Ermita hau XVI. mendean dokumentatzen da lehen aldiz, eta geroztik eten gabe aurkitzen dugu agirietan.1802rako aski egoera kaskarrean zegoen, eta hau zela eta Igual de Soria apezpiku bisitatzaileak "profanatzeko" agindu zuen (hots, "ermitatasuna", sakratutasuna kentzeko), auzoek berriztatu ezean [Pérez Ollo, EN, 167. or.]. Río de la Magdalena (Río Madalena)-ren ondoan dago, Gardelain, Irangote eta Usunbelztik jaisten diren erreken bat egitetik sortzen den erreka handiagoaren aldamenean. Ermitatik hurbil ubide hau Río de Loya (behinolako Loiaerreka edo Loiaerregua)-rekin elkartzen da, eta honi ere Río Madalena deritza Morionesen (Baserrekandia Ezporogin lehen). Junto a la Magdalena ermitaren ondoko alderdia zen, euskarazko Magdalenaldea bera. Linares de la Magdalena beste batzutan agertzen den Los Linares-ekin identifikatu behar da. Gure ustez erreka ondoan zeuden lihatzeok. Antzina ermita zen hau hilerria da orain.
(...)

(...)
Río de la Vizcaya-ren adierakidea dela dirudi (ikus Fuente sarrera).
(...)

(...)
Bizkaitik jaisten diren errekak bi dira: Irangotetik datorren Río de la Magdalena (Usunbeltz eta Gardelaindik datozenen batzetik sortua da), eta Loiatik heldu den Río de Loya (Loiaerregua), eta beraz testuinguruarengatik ez balitz 1703ko lekukotasunean hauetako zein aipatzen den ez genekike. Testuinguruak, alabaina, Irangotetik jaisten dena dela idarokitzen du (ikus Beltzuntzea sarrera).
(...)