Leku-izenak

(...)
Cabaña del Fiero-tik hurbil dago, eta hidronimoa gortearen nagusiaren izengoititik atera dela dudarik ez da. El Fiero Galipentzuko etxe baten izengoitia da.
(...)

(...)
[Dermio baten zatiketa. Iturria] Iturria izena gehienetan huts-hutsik edo izenondo edo posposizio batez lagundurik azaltzen da gure eskualdean (Iturria, Iturriberri, Iturrialdea...), baina batzutan dermio ezagun bateko eremu txiki bat ematen du aditzera, hain zuzen ere iturburua bera eta honen aldameneko lurrak, Nafarroako eta Euskal Herriko beste leku askotan bezalaxe. Formari dagokionez, oinarriari zuzenean lotua nahiz -ko-ren laguntasunean edireten dugu: Artaxoiturria (Galipentzu), Indusiturria (Lerga). Larrañetako iturria (Galipentzu), Ardantzebarrenetakoiturrieta (Ageza).
(...)

(...)
Izen honen osagaiak Larrañeta toponimoa (< larrain + -eta, jakina) eta iturria dira. Itxura denez, altxonbide-errepidearen ondoan zegoen, baina Uxuera zihoan Camino de las Cuevas-en ondoan ere egon zitekeen, eta honela balitz egungo Fuente de la Barrera edo Fuente del Fiero-rekin identifikatu behar genuke (ikus halere Ardantzeandia sarreran esan duguna). Larrañeta-ren inguruan ikus hurrengo sarrera.
(...)

(...)
[-Eta gure eskualdean. Galipentzu] Hemen bakarrik sekulan aurkitu ez dugun Larrañeta espezifikoa dugu, leku-genitiboaren -ko morfema, eta iturria eta mendia generikoak. Larrañeta, bistan denez, larrain eta -eta-z osaturik dago, baina ez dakigu larrain bakarra ala larrain bat baino gehiago adierazten duen.
(...)

(...)
Barrera gure eskualdean eta Nafarroako beste eskualde batzutan [Ikus Iribarrenen VN.] Oibar haraneko dokumentazioan izen arruntetako eduki ohi den artegia-ren esanahikidea da. Erreka Uxueko Aristuziaga-n sortu eta El Pozo grande-n Barranco de (la Muga de) Ujué-rekin bat egiten duen ubidea da, behinolako Barranco de Larrañetako mendia (ikus Larrañetako mendia sarrera). Iturria errekan bertan dago, eta beste modu batez La Fuente del Fiero esan ohi zaio. Dokumentazioko Larrañetako iturria izan zitekeen, baina hau ez da inondik ere segurua (ikus Ardantzeandia sarrera). Paco de la Barrera antzinako Larrañetako mendia-ko iparragerria da, ziur asko dokumentatzerik izan ez dugun *Paco de Larrañetako mendia baten ordezkatzailea. Pausua, azkenez, Barranco de (la Muga de) Ujué eta Camino de la Barrera-ren elkargunean dago.
(...)