Leku-izenak

(...)
[-Eta gure eskualdean. Ezporogi] Baliteke haitz izenaz (az- aldaera arrunta da elkarketan), bil 'biribil' izenondoaz, -ko atzizki txikigarriaz (cf. Aizcoa Lotzan 1671n, Peña de Ascoa 1740an [J. Jurío, TCPCA, argitara gabeko lana]), eta -eta-z osaturik egotea, baina herri berean Los Bojacales dokumentatzen denez, *Ezpelkoeta-tik atera dela suposatu nahiago dugu (cf. Ezpeleta, Ezpelketa, Ezpelkoa Eslaban, Ezpelecoeta [PRA-Kaparroso, 4. k., 1648] eta Espelcua [1894eko kat.] Sabaitzan), hau da, ezpel zuhaixka-izenaz, -ko txikigarriaz, eta -eta-z osatutakotzat hartu nahiago dugu, kontua erabat garbi ez dagoenagatik.
(...)

(...)
Izen honen osagaiak Mitxelenak [40. or.] Azpileta-rako ematen duen haitz 'arroka', eta aipatzen ez dituen bil 'biribil', -ko txikigarria, eta -eta leku-ugaritasunezko atzizkia izan daitezke, alegia, 'haitz biribil txikia dagoen tokia' edo 'haitz biribil txikiak dauden tokia' adiera izan dezake. Guztiarekin ere, ez dugu ahantzi behar Eslabako Ezpeiketa (< ezpel + -eta-ren aldaera den -keta), Azpilqta (sic) dela l683an, Ezpelquieta [Bukaerako -kieta hau ere -eta-ren aldakia da. Ikus atzizki honi eskaini atalean dioguna.] 1684ean, Azpiliquieta 1703an, eta Ezpeliquieta 1753an, besteak beste, eta beraz Ezporogiko toponimoaren kasuan ere horrelako nahasketa zerbait gerta zitekeela, hitz barruko u [w] horrek azken bide hau aski zailtzen duen arren. *Ezpelkoeta batez ere pentsa liteke, hots, ezpelko txikigarriaz eta -eta-z osatutako toponimoaz (cf. Ezpelkoa Eslaban, Arizkomendia Lergan. Cf., gainera, Ezporogiko bereko dokumentazioko Los Bojacales eta gaurregungo El Bojeral). Nolanahi ere, Azpilkueta Camino de la Fuente-ren ondoan zegoenez gero badirudi ez dela oraingo El Bojeral-ekin lotzen ahal, zuzenean bederen.
(...)