Gerra urreko liburu batean, bizkaierazko adizki bitxi batzuk aurkitu ditut, <aditz jokatua + -danik> atzizkia dutenak (zandanik, yakundanik, ebendanik...). Dirudienez, denborazko perpaus mendekoen balioa dute. Arruntak al dira? Euskara batuan lekurik izango al lukete?

Zuzenak al dira sartu aditza eta utzi aditzak elkartuz sortutako esaldi hauek?

SARTZEN UTZI

a) Ez didate utzi hor sartzea.

b) Ez naute utzi hor sartzea.

c) Ez didate utzi hor sartzen.

d) Ez naute utzi hor sartzen.

Zuzenak al dira sartu aditza eta debekatu aditzak elkartuz sortutako esaldi hauek?

SARTZEA DEBEKATU

a) Debekatu egin didate hor sartzea.

b) Debekatu egin didate hor sartzen.

c) Debekatu egin naute hor sartzea.

d) Debekatu egin naute hor sartzen.

Zein da erabilera zuzena: Lana ongi egitera behartu zuten ALA Lana ongi egiten behartu zuten / Ikustera behartu naute ALA Ikusten behartu naute?

Onargarria al da Mutikoa uretara bota zen esaldia? Izan ere, Labayru Hiztegiak dioenez, "bota, da, dau: echar(se), tirar(se), arrojar(se), lanzar(se)" erabil daiteke.

Argibideak nahi nituzke damu izan aditzaren erabileraz.

Zuzena al da Nik ez dut uste gu IZORRA GAITEZEN egiten dutenik, baina kalte egiten digute esaldia?

Zuzenak al dira sentitu aditzaren hiru erabilera hauek?

1. Estu hartuta daukatela sentitzen du.

2. Faxisten biktima sentitzen da.

3. Gazterik sentitzen naiz.

Zein da zuzena: Etortzen direneino ez dugu alde egingo ALA Etortzen ez direneino ez dugu alde egingo?

Eta zein da zuzena ‘zu joan arte ez naiz isilduko’ adierazteko: Joaten EZ zareneino ez naiz isilduko ALA Joaten zareneino ez naiz isilduko?

Egoeraren arabera, etxearen edo etxeko erabiltzen dugu: etxearen neurriak, etxeko leihoak... Horrela jokatzen al da NORAKO eta NORENTZAT kasuetan ere? Adibidez: Diru hau etxea erosteko da, eta beste hori, autoa erosteko. Testuinguru horretan, zuzena al da Diru hau etxearentzat da, eta beste hori, autoarentzat esaldia?