1 emaitza deklaratu bilaketarentzat - [1 - 1] bistaratzen.
Kodea [?] | Data | Proposamena | |
---|---|---|---|
Araua: | Z3:EArauB | ||
Hiztegi Batuko Lantaldea: | Z3:EEBS:07 | 1994-02-04 | Lantaldeak onartua, informazio bat gehituz |
deklaratu, deklara, deklaratzen. du ad. 1 (epaiketaren inguruko adierarekin batez ere). 2 h. adierazi, agertu, aitortu, azaldu, etab.
deklaratu, deklara, deklaratzen
gaur epaiketaren inguruko adiera bakarrik du; besteetarako badago ordezko hoberik: adierazi, agertu, aitortu (cf. errentaren aitorpena), azaldu, etc.
- [E210]: "Deklaratu aditzaren lehenengo adieran hauxe dator: 1 (epaiketaren inguruko adierarekin batez ere). Zuz. arloan zerbait epaiketaren ingurukoa dela esateak ez ditu arazoak bat ere argitzen. Izan ere, epaiketaren ingurukoak dira, bai epaileak egiten dituenak, bai epaileari beste gizabanako batzuek (alderdiek, lekukoek...) egiten dizkiotenak. Ulerbidez, epaileak egiten dituen horien adibidea: Ezkontza egiteko forma eta garaia edozein izanda ere, ezkontza desegiten da, ezkontide baten heriotza edo heriotza-adierazpenaren ondorioz, eta dibortzioaren ondorioz... (Kode Zibilaren 76. artikulua). Epaileari egindakoen adibidea: Auziaren gaineko ardura duten epaileak edo auzitegi-magistratuak bertan egongo dira, alderdi eta lekukoen adierazpenetan... (Prozedura Zibilaren Legea, 137.1 artikulua). Are gehiago, zuzenbidearen munduan badira beste "deklarazio" batzuk, epaiketaren ingurukoak ez direnak, esate baterako, notarioek eurek agiri publikoetan jasotzen dituzten jaraunsle-adierazpenak. Hori guztia dela medio, "epaiketaren inguruko adierarekin batez ere" esaldia kendu beharko litzateke, ez baitu ezer argitzen. Beharbada, Zuz. jarrita, nahikoa izan daiteke. Bestalde, zuzenbidearen munduan ere, 2, adierarekin gertatzen den bezala, adierazi eta adierazpen hitzekin molda daiteke euskarazko diskurtsoa, deklaratu/deklarazio maileguetara jo barik. Hortaz, proposamena hauxe izango litzateke: deklaratu, deklara, deklaratzen. du ad. h. adierazi (batez ere, Zuz.); deklaratzaile h. adierazle; deklarazio h. adierazpen"
- [E116]: "AUk nik ez bezala ezagutzen du zuzenbidearen mundua, eta ez dut eragozpenik proposatzen duena onartzeko; baina baditut bi zalantza, oso elkarri lotuak: a) osorik kendu behar al da arauak jaso zuen eta gure tradizioa biltzen duen bigarren sailekoa ("2 h. adierazi, agertu, aitortu, azaldu, etab.")? b) gerra, adibidez, adierazi egiten da, ala deklaratu (eta gerra-adierazpena egiten da, ala gerra-deklarazioa)? Hau da: Zuz. eremua bakarrik onartuko al zaie deklaratu, deklaratzaile eta deklarazio formei?"
- [E123]: "agian lehen itzulian araututakoa ez da egokiena izango. Baina, PSk bezala uste dut deklaratu aditzak izan dezakeela lekua, gerra-ren adibidea aski argia da. Ez dakidana horri zein marka eman beharko zaion".
- Erabakia: Erabakia (2005-12-16): "deklaratu, deklara, deklaratzen. du ad. 1 Zuz. (epaiketaren inguruko adierarekin batez ere) h. adierazpena(k) egin. 2 h. adierazi, agertu, aitortu, azaldu, etab.; deklaratzaile (Zuz. iz. h. adierazle, adierazpen egile...); deklarazio (Zuz. h. adierazpen)".