(...)
Iñaurratzagagoikoa (-a) eta Iñaurratzagabekoa (-a) // (desagertua) // Ahoz: Iñortzagoiko, Iñortzabeko, Iñortza(s) // Auzoa: Elexalde // Ahoz arrunki Iñortzas formaz da ezaguna. Azken mendeotan Iñortza izeneko etxe bi izan badira ere, Iñaurratzagabekoa eta Iñaurratzagagoikoa, lehenago hiru ziren. Hala ere, hiru izen hauek aldaketa batzuk izan zituzten. 1704ko sutegian Iñaurratzagaurrekoa, Iñaurratzagaerdikoa eta Iñaurratzagabekoa ageri dira; baina 1745ean, berriz, Dendarienaiñaurratzaga, Iñaurratzagabekoa eta Iñaurratzagagoikoa. Beraz, bost izen desberdin hiru etxe izendatzeko. Kokapena aztertuta badirudi behin ageri den Iñaurritzagaurrekoa eta Iñaurratzagagoikoa bat bera direla eta, ondorioz, Dendarienaiñaurratzaga izenekoa Iñaurratzagaerdikoa zela. Izen honek ahoz aldaketa ugari izan ditu, eta horrela Bidaurratzaga toponimoaz gertatu bezala, Bidortza esaten zaiola, Iñaurratzaga izena ahoz Iñortza esaten zaio. Azkenaldian gainera, amaieran erdarazko morfema pluralgilea gehitu izan zaio eta Iñortzas forma erabili izan da. Gainerako fonetismoak oso normalak dira: amaierako -aga atzizkia -a ahozkatzea, -au- bokal pilaketa edo sinplifikatzea eta abar. // Baserriok desagertuta daude, eta gaur egun inguru horretan etxe berriak daude, Iñaurratzaga izeneko kalearen ondoan
(...)

(...)
1704ko etxeak, auzoka [* Izenak 1704ko sutegiaren ordenean agertzen dira zerrenda guztietan] [...] Artatza: Artatzagoikoa, Artatzaerdikoa, Artatzabekoa, Artatzaosteikoa, Iguarritzagaurrekoa, Iguarritzagaerdikoa, Iguarritzagabekoa
(...)

(...)
1745eko etxeak, auzoka [...] Basaez: Altzagatorrea, Altzagako errota, San Bartolome, Basaezaurrekoa, Basaezatzekoa, Inaurratzagagoikoa, Inaurratzagabekoa, Dendariena Inaurratzaga
(...)