(...)
Sabude cause sie a todz aquez homis qui son ne qui seran, que en Per A. de Saut, seiner de Saut e de Sen Per, empeina an P. de Liuarren, calonge de Baiona, le dezme de le mazon de Saut, e de tote le Parropie de Hesperrene, tote entirademens, per VI cenz s. de Morlans, saub de tres mazons, les quaus son: le mazon de Sen Johan, e Bassuen, e Burgussain, don ed no prene le dezme [...] En A., seiner de Saut e de Sen Per, deu li tier saub e segur de si e de toz los homis dou mon [...] E apres abingo assi, queu dauant dijt n'Arnaut, seiner de Saut e de Sen Per, fo malau de le malaudie onst trespassa in le mazon de Sen Nicholau de Baione [...] E quent lo dauant dijt n'Arnaut fo sepelid a Le Fonce, le Daune de Saut e de Sen Per, mair dou dauant dijt n'Arnaut, dauant lo Bescompte de Baigur, e d'en B. de Saut, e d'en Auger, e d'en Messeriat de Pagandurue, e d'en V. de Luc, e d'en Miqueu de Berroete, e d'en B. S., caperan de Bidart, e de trops d'autres, autreia au dauant dijt en P. de Liuarren, per si e per sos II fils, en W. A., en P. A., que quest peins lo tincos saub e segur de si medisse, e de sos fils, e de tot lo linadge, e de toz los homis dou mon, entrou los M s. lo fossen pagaz a lui, o a son man bonemens [...] Apres abingo assi qu'en P. de Beu Soler, borzes de Baiona, peinera n'Arnaut de Naubeis, e en S. A. de Gardague, los quaus tie segurs de VI cenz s. de Morlans queu dauant dijt n'Arnaut, seiner de Saut e de Sen per, lo deue [...] E labez en aqued medis log, le Daune de Saut, en W. A., son fil, per lor medis, e per en Per A. de Saut, e per lo Vescomte de Baigur, eper tot l'aut linadge, e mentaudemens per aqued a cui l'afar de Saut e de Sen Per torneri [...] E apres fon a Le Fonce, au sepeliment d'en Johan de Saut, le Daune de Saut e de Sen Per, en en W. A., son fil, eu Vesconte de Baigur e l'aut linadge [...] E labez, per man de le Daune ede son fil en W. A., e dou Vescomte de Baigur e de tot lo linadge, en P. de Liuarren entra an P. de Beu Soler daquez DC s., e fei-ne quitar les mazons de Saut e de Sen Per e les segurtances qui de sus son mentaudes qu'en A. hi aue metud. E lo teiz die apres, en P. de Liuarren fei le pague daquez DC s. an P. de Beu Soler a Baiona, assi que ed s'en tinco, e s n'autreia per pagad en le mazon de V. de Luc, dauant le dijte Daune de Saut e de Sen Per qui autreia in aqued medijs log, que veraiemens aue en P. de Liuarren M e DC s. de Morlans sober lo dauant dijt peins de le demarie de Saut e de Hesperrene [...] E aqui quita en P. de Beu Soler autre bez dous DC s. qu'en A. lo deue, l'anime d'en A., e los segurs, e le mazon de Saut e de Sen Per
(...)
Zer: Etxea [Donapetiria?]
Non: Hazparne [Kanbo?]
Jatorria:
BID.LBTLG