(...)
Dok.: Ansalasen borda XIX. mendean; XX. mendeaz geroztik Obenea erraten zaio (ikus sarrera hau). // Kokalekua: Orizki auzoan da, Zugarramurdiko mugatik hagitz hurbil, honen dermiora begira. // Etimologia azalpena: Etxearen izen zaharra ustez antroponimoa den Ansalas, Antsalas-en oinarritua dagoke; gainerako osagaiak -en genitiboa eta borda izena dira. Lehen osagaia Antsa ‘Santxa’ emakume izenean oinarriturik aise aski azal daiteke, edo Antso gizon izenean, elkarketan Antsa- bihurtu dela onartzen bada (baso-> basa- edo uso-> usa- bezala); asimilazioak ere eragin ziezaiokeen. Bigarren osagaia lats ‘erreka’ izan zitekeen, baina bide honetatik ez da ongi ulertzen zergatik ageri den genitiboaren hondarkia (-en) eta ez leku genitiboarena (-ko).
(...)

(...)
Dok.: Obenea XX. mendean. Lehen Antsalasen borda (ikus) deitzen zen bera da. // Ebakera: Obéneá. Obénen bórda ere erabiltzen da. // Izengoitia: Obéne. // Kokalekua: Orizki auzoan da, Zugarramurdiko mugatik hurbil. // Etimologia azalpena: Ez dakigu Oberena-ren laburketaren emaitza den, Obe izengoitian oinarritua dagoen edo bertze zerbait dugun.
(...)