Consuelo (es)

Sabino Aranaren bidetik sortutako izena. Oinarrian atsegin izen edo adjektiboa dagoela dirudi, baina hats egin 'arnasa hartu', 'atseden hartu' ere izan liteke. Bukaera Deun-ixendegi euzkotarra laneko femeninoetan ohikoa den -e edo -ñe dateke. Ikus Atsege.

Untzillatx mendiaren magaleko aurkintza, Abadiñon (Bizkaia), eta Andre Mariaren ermita. Urkiolatik Arabara zihoan antzinako bidean dago; mendigoizaleen artean bertako eskalada-eskolari esker da ezaguna.

Agustina (es), Augustine (fr)

Deun-ixendegi euzkotarra (Arana eta Eleizalde, 1910) lanean proposatutako izena. Ikus Agustina.

XVI. mendean ageri da izen hau, Nafarroako Espartza Zaraitzu (Aulli) eta Ezkaroze (Aulli Echeverri) herrietan.

Aura (es), Aura (fr), Aura (en), Αὔρα (el kl)

• 82. araua: Grezia eta Erromako pertsonaia mitologikoak (2014 [1998])

Aurelia (es), Aurélie (fr), Aurelia (en)

Erromako Aurelius leinu izenetik dator, eta hau segur aski Aurora teonimoa (ikus) atera den hitz beretik. Aurum 'urrea'rekin ere erlazionatu dute. Emakume izena ardurakoa zen Erroman. Jaieguna irailaren 25ean da. .

• 66. araua: Santutegiko izen ohikoenak (2019)

Erdi Aroan ohiko izena zen hau Europan. Euskal Herrian 1068an Zabaltzan (Nafarroa) ageri da, 1085ean Lizasoainen (Nafarroa) eta 1390ean Arrasaten (Gipuzkoa). Latineko aurea 'urrezkoa' hitzetik datorke. Auria izeneko hiru santa ditugu, bat Parisen (Frantzia), bestea Kordoban (Espainia) eta, azkena, Ostian (Italia). Jaieguna uztailaren 19an da (Kordobakoa). Aldaera: Oria.

Erdi Aroko euskal izena; osagaiak Auria eta Bita dira. Aldaerak: Aurubita, Orobita, Oribita eta Orbita. Ikus Auria eta Bita.