atzera egin
1 du ad.-lok. Atzerantz joan. Ik. gibelera egin. Atzera egin zuen erori gabe. Olatu handiek atzera egin zuten, eta neskatoa berriz ere agertu zen itsasoaren azalean. || Hirugarrenez hasi zen Txominen kontra amorraturik; oraingoan Txominek egiten zuen atzerantz (Ik. atzeraka egin). 2 du ad.-lok. (Denborazko testuinguruetan). Atzera egiten du gero nobelak, Annualeko sarraskiraino. Bere beldurren arrazoia ezagutzeko hogei urte atzera egin beharko dute ikus-entzuleek. Edozer emango zenuke denboran atzera egiteagatik, ezta?
3 du ad.-lok. Egoera okerrago batera igaro. Ik. okerrera egin. Zenbait herritan euskarak atzera egin du. Espainiako ekonomiak atzera egingo duela iragarri du Aurrezki Kutxen Fundazioak. Helduek adi egon behar dute zer antzemango: haurrak eskolara joateko gogo gutxi duela, umore gorabeherak dituela, eskolako emaitzetan atzera egin duela... 4 du ad.-lok. Asmo bati edo erabaki bati ez eutsi. Aurretik harrokeria asko, baina azkeneko orduan atzera egin zuten. Pirinioetara joango nauk; ez diat atzera egingo arlote honen erruz! Gobernuak ez du atzera egingo bere asmoetan. Ez zegoen, ordea, atzera egiterik; egindakoa eginda zegoen.