Euskaltzaindiaren Hiztegia

Euskaltzaindiaren Hiztegia

forma=erdara 2 sarreratan aurkitu da.

erdara

1 iz. Euskara ez den edozein hizkuntza; bereziki, gaztelania hegoaldekoentzat eta frantsesa iparraldekoentzat. Gaztelania, frantsesa eta gainerako erdarak. Frantses erdara. Erdaraz mintzatu. Erdaraz egindako liburu baten itzulpena. Erdara ikasi eta erdaraz ikasi. Euskaraz ia ahaztu zait, eta erdaraz, berriz, jakin ez. Erdarazko liburuak: erdal liburuak. Erdal hitzak eta erdaratiko hitzak. Erdara gaiztoa: erdara mordoiloa.

2 iz. Hizkuntza arrotza. Infernuko erdara.

[Oharra: erdal forma dagokio hitz elkarketako lehen osagai denean].

ahuntz

1 iz. Ugaztun hausnarkaria, ilea motza eta latza, eta adarrak atzerantz okertuak dituena; abere horren eme heldua (Capra hircus). Ik. aker. Ahuntz ama. Ahuntzak jetzi. Ahuntzak adarrak dituen aldera (beh.): alderantziz. || Esr. zah.: Ahuntzak garia ikusi, baina ez hesia. Ardia ahuntzari ile eske.

2 iz. (Hitz elkartuetan, lehen osagai gisa). Ahuntz esnea. Ahuntz gorotza. Ahuntz larrua. Ahuntz ilez egindako soinekoa.

ahuntzaren gauerdiko eztula (Mugatua). Zerbait garrantzi gabea edo txikikeria dela adierazteko erabiltzen den esapidea. Ez duk hori ahuntzaren gauerdiko eztula! Aholku hori eta ahuntzaren gauerdiko eztula paretsu dira.

ahuntz azienda, ahuntz-azienda Ahuntza. (Batez ere multzokari gisa erabiltzen da). Ik. azienda xehe.

ahuntz azpigorri Euskal Herriko ahuntz arraza; arraza horretako ahuntza, gorputz txikia, ilaje iluna eta sabelaldea eta begi ingurua gorrixkak dituena.

ahuntz azpizuri Euskal Herriko ahuntz arraza; arraza horretako ahuntza, gorputz txikia, ilaje iluna eta sabelaldea eta begi ingurua zuriak dituena.

ahuntz erdara, ahuntz-erdara Esaldiko silabak p kontsonantearekin errepikatuz edo antzeko moduren batez eratzen den hizketa bitxia, adibidez erran iezadan zer dun hor esan beharrean eperrapan ipiepezapadapan, zeper dupun hopor? esanez. Hamalauko hau ikusi nuenean miraz gelditu nintzen, ahuntz-erdara harrigarriren batean ote zegoelako beldurrez.

ahuntz hosto, ahuntz-hosto Sasiama.

ahuntz-praka Belar landare bizikor eta apaingarria, multzoetan bilduak dauden lore kolore-biziak ematen dituena (Cheiranthus sp.).

ahuntz talde, ahuntz-talde Bi ahuntz talde mardul badabiltza inguru hauetan.

Oharra: azken eguneraketa 2019-07-09

  • Euskaltzaindia - Real Academia de la Lengua Vasca - Académie de la Langue Basque
  • Plaza Barria, 15. 48005 BILBO
  • +34 944 158 155
  • +34 944 158 144
  • info@euskaltzaindia.eus
© 2015 Your Company. All Rights Reserved. Designed By JoomShaper