Euskaltzaindiaren Hiztegian errege eta erreal hitzak baliatzen dira horretarako.

Normalean [EH:errege:4] izena baliatzen da hitz elkartuetako lehen osagai gisa. Erreparatu adibide hauei: Haurrak ziren errege jantzi dotorez apainduak. Errege jauregia. Errege odola. Eta erreparatu orobat azpisarrera-andanari ere: [EH:errege-alaba], [EH:errege-aulki], [EH:errege-bide]…

Errege izenarekin emaniko horiek [EH:erreal:3] adjektiboa erabilita ere eman daitezke: bide erreala = errege-bidea. Nolanahi ere, halakoetan egokiagoa da hitz-elkarketara jotzea, ulergarritasunaren mesedetan, erreal adjektiboak ‘benetako’ esanahia ere baitu: bide erreala (benetakoa, fantasiazkoa ez dena).

Erret forma ez da egokitzat jotzen: ez da tradizioduna, eta ez da Euskaltzaindiaren Hiztegian ageri.