JAGONET galde-erantzunak

Lexikoa: hiztegiko hitz baztertuak eta ez-hobetsiak

Euskaltzaindiaren Hiztegi Batuak xuri forma okertzat jotzen du, eta 'e. zuri' dio; baina Euskaltzaindiaren Hiztegiak xuri forma zuzentzat dakar, eta adierazkorra dela dio [EH:xuri]. Bi hiztegiak arauemaileak izanik, zeini egin behar diogu kasu?

Euskaltzaindiaren Hiztegia da, lexikoari dagokionez, erreferentzia nagusia, eta berari egin behar zaio kasu. Hiztegi Batua, berriz, Euskaltzaindiaren Hiztegia egin baino lehenagoko lan bat da, eta Euskaltzaindiaren Hiztegiak ordeztu du.

Hiztegiak dio xuri forma egokia dela adierazkor gisa, hau da, adierazkortasuna duten testuinguruetarako hitza dela. Gainerakoan, zuri da hitz estandarra (adibidez, arma zuria, burdinurtu zuria edo globulu zuria dira termino zuzenak, eta ez arma xuria, burdinurtu xuria edo globulu xuria). Antzera gertatzen da xuxen, xorta, xorrotx, xoko, xiri, xentimo eta beste hainbat hitzekin.

 
 
  • Euskaltzaindia - Real Academia de la Lengua Vasca - Académie de la Langue Basque
  • Plaza Barria, 15. 48005 BILBO
  • +34 944 158 155
  • +34 944 158 144
  • info@euskaltzaindia.eus
© 2015 Your Company. All Rights Reserved. Designed By JoomShaper