Bai, testuaren arabera, Euskaltzaindiaren Hiztegian ikus daitekeenez [EH:alegia].

a) Alegia birformulatzailea (berdin gertatzen da hau da, hots eta gisakoekin) aurreko esaldiaren esanahi bertsukoa edo haren esplikagarria den beste esaldi batekin doanean, ez du -(e)la hartzen: Hemengo ipuin eta bertsoek iturri bera dute: Gesaltzako aitona, alegia. Eskutitz sail bat zen: gutun sail bat, alegia.

b) Azaldu nahi denari sarrera emateko erabiltzen denean (alegiaren aurreko perpausean esatezko aditz bat doanean: esan, adierazi, jakinarazi…), berriz, -(e)la menderagailuarekin batera erabiltzen da normalean: Zera adieraziko dio, alegia, ez dadila hemendik aurrera bere andregaiarekin joan. Esan nahi dut, alegia, aukera izan banu, bide horretatik joko nuela.