Gai honetaz batasunerako dagoen erabaki bakarra 4. arauan jasotzen da. Hor, besteak beste, esaten da hau guz(t)iau eta hori guz(t)iori oso bidezkoak direla, baina ez ordea *gizonau modukoak.

Galderako egiturei buruz zera esan daiteke:

hau mutilau: Ez dago erabakita horrela idatz daitekeen.

honek mutilak esan du: Ez dago ezer erabakita, baina goikoaren egitura berari buruz ari bagara, izatekotan, honek mutilonek beharko luke.

hauek mutil guztiak: Mutil hauek guztiak erabili behar dela dio 4. arauak.

honek gizon guztiok: Gizon hauek guztiak egitura dago onartuta. Honek forma ez da zuzena euskara batuan pluraleko erabileretarako, lehen graduko NORK singularrari bakarrik baitagokio.