Bi horien artean aukeratzeko orduan, bigarrena da hobestekoa. Izan ere, -t(z)earen oso gutxi erabili izan da euskararen literatura-tradizioan (ohitura hitzarekin ez dugu behin ere aurkitu); hori baino askoz ohikoagoa da -t(z)eko.

Euskaltzaindiaren Hiztegian badira <-t(z)eko ohitura> moldean emaniko adibide batzuk [EH:ohitura], baina ez -t(z)earenekin eratuak: Zazpietan jaikitzeko ohitura du. Hartuko du herriak euskaraz irakurtzeko ohitura. Jesusen jaiotza kristaukiro ospatzeko ohitura.