Neurriak-eta galdetzeko, euskaraz, zenbat/zenbateko ez ezik zer galdetzailea ere erabiltzen da.

Zenbat/zenbateko: zenbat soila tradizio handiagokoa da, baina gaur egun asko erabiltzen da zenbateko forma ere. Hona hemen adibide batzuk erabilera ikusteko:

Zenbat da karratu horren azalera? / Zenbateko azalera du karratu horrek?

Zenbat da zabal(ean) eraikina? / Zenbateko zabalera du eraikinak?

Zenbat da aurrekontua? / Zenbatekoa da aurrekontua?

Zer galdetzailea ere erabiltzen da, arestian adierazi bezala (ez, ordea, *zein).

Zer pisu du zakuak? / Zenbat pisatzen du zakuak? /*Zein pisu du zakuak?

Zer distantzia dago hemendik hara? / Zenbat bide dago hemendik hara?

Zer balio du liburuak? / Zenbat balio du liburuak?

Zer alde atera dio bigarrenari?

Horrez gain, ikus hauek ere: "Kuantifikazioa adieraztea: zenbat (zenbat balio du kilo bat mahatsek? / *zenbat balio du kilo batek mahats?)" (JAGONET), "Kuantifikazioa adieraztea: neurtu, pisatu (bi metro luze da, bi kilo pisatzen ditu)" (JAGONET), "Kuantifikazioa adieraztea: komunztadura (10 urte du / 10 urte ditu)" (JAGONET).