Zaila da muga argia markatzea mailegu zaharren eta berrien artean. Zaharra da, oro har, euskarak aspalditik bereganatua duena, literaturan dokumentatua duguna eta abar.

Elkarren ondoko bi txistukariren kasuaz (-sz-, –ss-) edo g/j kontuaz, lehendik ere emanak ditu Euskaltzaindiak arau orokorrak (ikus Maileguzko hitz berriei buruz Euskaltzaindiaren erabakiak). Horrez gainera, Euskaltzaindiaren Hiztegian begiratu daiteke mailegu jakin bat nola idatzi behar den. Hor ikus daiteke g/j auzitan daudenean mailegu berriak g letraz idaztekoak direla, oro har. Bestalde, maileguak nola ahoskatu behar diren ere adierazia du Euskaltzaindiak (ikus Euskara Batuaren Ahoskera Zaindua izeneko 87. araua).