JAGONET galde-erantzunak

Aditzaren jokabidea: behartu (egitera/*egiten behartu)

Zein da erabilera zuzena: Lana ongi egitera behartu zuten ALA Lana ongi egiten behartu zuten / Ikustera behartu naute ALA Ikusten behartu naute?

Orotariko Euskal Hiztegiak dio [OEH:behartu] aditzaren erregimen hedatuena -t(z)era dela; alegia, adibideko Lana ongi egitera behartu zuten eta Ikustera behartu naute. Hala ere, -t(z)en ere erabili dute idazle batzuek.

Euskaltzaindiaren Hiztegiko behartu sarreran dauden adibideak -t(z)era moldekoak dira: Zorrak kitatzera behartu zuen aitak. Debekua haustera behartu nahi zuen.

 

Informazio gehigarria:

Zalantza-mota: sintaxia > aditza, sintaxia > perpausak

Unitate-mota: hitzak-aditzak > aditz-izena, hitzak-aditzak > adizki ez-jokatuak, hitzak-aditzak > erregimena, perpausa > osagarriak

  • Euskaltzaindia - Real Academia de la Lengua Vasca - Académie de la Langue Basque
  • Plaza Barria, 15. 48005 BILBO
  • +34 944 158 155
  • info@euskaltzaindia.eus
© 2015 Your Company. All Rights Reserved. Designed By JoomShaper