Mailegu berriek egokitze-prozesu bat izaten dute beti hizkuntza guztietan; alegia, denbora bat izan behar izaten dute hizkuntza batetik bestera egokitzeko. Halaxe gertatzen da euskaran ere azken urteotan ingelesezko mailegu berriekin: egokitze-prozesuan daude.

-Batzuk jada Euskaltzaindiaren Hiztegian integratuak ageri dira (euskal hitzak dira, beraz), baina asimilazio-fase ezberdinean daude. Hiru moldetara ageri dira hiztegian [EH]:

- euskal grafiara erabat moldatuak: marketin, driblin, budin (puding)...

- euskal grafian eta ingeles-grafian, bietan, emanak (hizkuntza bakoitzaren idazte-moldeko letrekin, jakina): esmokin/smoking, kanpin/camping…

- ingeles-grafian emanak: holding, parking, ranking, ring, ping-pong, catering...

- Badira, bestalde, Euskaltzaindiaren Hiztegian oraindik ageri ez diren berri-berriak ere; horiek ingeles-grafian eman ohi dira: bullying, zapping...

Oharra: Egokitzapen-mailak zertan diren jakin nahi izanez gero, Euskaltzaindiaren Lexikoaren Behatokiak badu tresna bat konparazio-bilaketak egiteko. Aipatzen diren bi kasuetan emaitzak hauek dira:

Garbi ikusten da egokitzapen-mailak ez direla parekoak.