Euskaltzaindiaren Hiztegiko adiera eta adibideak aztertuta ―[EH:samur], [EH:bigun]―, haragi samur moldearen alde ageri da hura, eta, hain justu, adibide ere bada bertan: haragi samurra. Orotariko Euskal Hiztegia aztertuta ere, tradizioko joera samur adjektiboaren aldekoa da (behin bakarrik aurkitu dugu haragi bigun).

Adierazgarria da, bestalde, Euskaltzaindiaren Hiztegian, [EH:bigun] sarreraren adibide batean, hitz-bikote hauek egiten direla ikustea (bata bestearen antonimo dira): zail/samur, gogor/bigun. Zail eta samurrak, bigun eta gogorrak.