Adibidez: -gatik ari izan (‘nigatik ari zara’).
Ez dago argi zein den zalantza. Orotariko Euskal Hiztegiak [OEH:ari izan] badakartza zenbait adibidide, baina -gatik ‘por causa de’ adieran, jakina: Lan hori hartzen dutenek bazkagatik egiten dute gehienek. Ez dira gerokoagatik ari.
Ari izan ‘ocuparse de, tratar (sobre)’ / s’occuper de, traiter de' [‘gaia’ adierazteko edo] adieran, instrumentalarekin ageri da gehienetan tradizioan (Nitaz ari al zara?). Adiera horri badagokio zalantza, esan behar da estilo-liburu gehienak -gatik saihestearen alde ageri direla, nahiz literatura-tradizioan noiz edo noiz erabili izan den.
Data: 2020-05-14
Informazio gehigarria:
Zalantza-mota: morfologia > kasu-markak, lexikoa > lokuzioak/kolokazioak, sintaxia > aditza, sintaxia > kalko baztergarriak
Unitate-mota: hitzak-aditzak > erregimena, joskera > kalko baztergarriak, lokuzioak/kolokazioak
Orrialde honetako dokumentu, zerrenda eta datu-baseak Creative Commons Aitortu-EzKomertziala-PartekatuBerdin baimen baten mende daude.