Etorri behar izan zer da: naiz ala dut?

Zuzenak al dira behar izango / beharko; balio izango / balioko; bizi izango / biziko; ezin izango / ezingo; ahal izango / ahalko; nahi izango / nahiko forma horiek denak?

Ez dugu oso garbi ikusten zergatik onartzen den deitu didate, deitu nauteren ordez.

Inpertsonalaren erabilera egokia al da honako hau: esaten da, ikusten da…? Irauli, bestalde, hiztegietan du agertzen da; baina zergatik Txalupa irauli egin zen?

Ez daukagu sartzerik: ez dugu sartzerik. Sinetsia dut: sinetsita daukat.

Oso garbi dut: oso garbi daukat.

Zerbait egin beharra nuen/neukan.

Zer alde dago batetik bestera? Bikote horietako forma biak zuzenak al dira?

Izan aditza erabiltzea egonen ordez: bileran izan da goiz guztian, gaixorik izan da joan den astean… Ba al dago honetaz arau argirik emateko moduren bat?

Ez al da egia espero izan aditza aditz-izenarekin erabiltzen dela normalean? Adibidez: Zu etortzea espero dut.

Zuzena al da hau ezin jasoa da esaldia? Badakigu ohikoagoa dela jaso ezina, baina uste dugu eginahala eta ahaleginaren antzekoa izan daitekeela.

Zein da forma zuzena: ezin dut jan ala ezin jan dut?

Gose izan, goseak egon… / gosea eduki. Gose naiz, goseak nago egiturak jatorrak dira; baina gose handia daukat, izugarrizko egarria zeukan esaterik ba al dago? (Orotariko Euskal Hiztegian badaude gosea izan/eduki modukoak).