Jagonet

Erabil dezakegu bakarrik forma baino ez erabiltzen den kasuetan? Horrela bada, esaldiaren zein tokitan jarri beharko genuke?

1. Hauxe baino ez diozu eman behar.

2. Hauxe bakarrik eman behar diozu.

3. Hauxe eman behar diozu bakarrik.

1. Larunbatetan baino ez da zabalik egoten.

2. Larunbatetan bakarrik egoten da zabalik.

3. Larunbatetan egoten da zabalik bakarrik.

Eskolako ikasliburu batean, honako galdera hau agertzen da:

9. ________________ gorrotoa mantentzen dutenetakoa naiz

a) Heriotzaraino

b) Heriotzagandiko

c) Heriotzarainoko

Onartzen den erantzuna hirugarrena da: c). Zergatik dago gaizki a) erantzuna?

Beste zenbait ariketatan ere, eta beti toki horretan, hau da, izenlagunaren tokian, -ko duena izaten da hautatu behar dena, -rako, -rentzako, -rekiko, -rengatiko..., bertzeak txartzat jotzen baitira. Zer arrazoi dago -ko gabekoak gaitzesteko?

Nola behar du:

Barakaldoko nire laguna ala Nire Barakaldoko laguna?

Patxi nire lehengusuarekin ala Nire lehengusu Patxirekin?

Maiz entzuten diren Ba, bai! Ba, ez! horiek onartu behar ditugu jatorragoak diruditen Bai ba! Ez ba! formen ordezko?

Jaietako karteletan egitura hauek erabiltzen ditugu:

- JAIAK ANDRE MARIA ZURIAREN OHORETAN

- JAIAK ANDRE MARIA ZURIAREN OHORETAN

- JAIAK, ANDRE MARIA ZURIAREN OHORETAN

Ontzat ematen al dituzue?

Komunikabideetan sarritan entzuten da Baita ere esan digute (...) egitura. Zuzena al da? Ez al du behar Baita (...) ere, zuzena izateko.

Zein da ere, baita ere, ere bai eta horrelakoen erabilera zuzena?

Zein da zuzena 80 lagunetik gora / 80tik gora lagun; 6 ordutik gora / 6tik gora ordu; 14 urtetik gorakoentzat / 14tik gora urtekoentzat eta gisako bikoteetan?

Zalantza hauxe sortu zaigu: 4.000 gizon eta gehiago / 4.000 eta gehiago gizon. Zein da zuzena? Eta beste honetan?: 4.000 gizon baino gehiago / 4.000 baino gehiago gizon.

Zalantza hauxe sortu zaigu: hamar urte inguru / hamar inguru urte. Zein da zuzena?