Jagonet

Nola esan behar da: Higiene-baldintza penagarriTAN aurkitu genuen ala Higiene-baldintza penagarriETAN aurkitu genuen?

‘Semipermanente’ hitza eman nahi dut euskaraz. Begiratu dudan tokietan erdiiraunkor bezalakoak aurkitu ditut.

Horrela idatzi behar da? Bi i elkarren segidan? Beste aukerarik ez dago? Izan ere, errotulu batean arraroa egiten da bi i jarraian jartzea.

Haur-eskola / haur eskola moldeak ageri dira forma estandar modura Euskaltzaindiaren Hiztegian, baina haurreskola moldera ere ikusi izan dut inoiz. Forma onargarria al da azken hori?

Nola itzuli behar da erdarazko ‘real’ (es) / ’réel’ (fr) hitza (Real Academia, archivo real, palacio real / Académie royale, archives royales, palais royal, etab.)?

Esaldi honek zalantza eragin digu: Haizeteen eraginez zuhaitz bat erori da eta parkeko jolas bat apurtu du.

Jolas hitza ondo erabilita al dago testuinguru horretan? Izan ere, materiala ez den zerbaiti erreferentzia egiteko erabiltzen da normalean jolas; baina parkeko elementuei jostailu deitzea ere ez zaigu egokia iruditzen.

Zein hitz da egokia arestiko esaldian erabiltzeko?

Asabak hitza erabil al daiteke aitona-amonak esateko, gurasoak hitzak (ama-aita) egiten duen moduan?

Zumaiatik egiten dugu galdera. Bertan, santelmoak ospatzen ditugu. Baina nola behar du non/noiz kasuan: santelmoetan ala santelmotan? Bertso jaialdi bat antolatu dugu aurtengo santelmoETAN/saltelmoTAN?

Googlen, informazio-kopuru sarriago ageri da informazio-kantitate baino. Egokia al da kopuru erabiltzea informazio bezalako izen zenbakaitz batekin?

Zergatik idatzi behar da anai-arreba -a barik eta marratxoarekin? Azken arauek aurrekoak zuzentzen zituztelakoan, ulertu genuen Autonomia Erkidego onartu zenetik -ia bukaerak ez duela a itsatsia galdu behar.

Izan bedi esaldi hau: Kaleratzeak izan dira hizketagai/berbagai/berbetagai gaurko agerraldian.

Guk, Debagoienean, berbagai eta berbetagai erabiltzen ditugu. Zuzenak diren jakin nahi genuke.