hegan egin
1 du ad.-lok. Hegoen bitartez edo bestelako baliabide bat erabiliz, airean higitu. Ik. hegatu; hegaldatu. Hegan egin ezinik. Zuregana lurretik hegan egiteko. Arima hegaztia omen da, eta hegan egiteko sortua. Hegan egin nahi, eta oraindik motzak hegoak. Hegan egitea txikitatik izan da nire ametsa, eta parapentea hegan egiteko modurik errazena eta merkeena da. Antartika inguratzen duten izotzen gainetik hegan egingo duen helikopteroari so dago. || Ez zuen Soroak inongo mugaz gaindi hegan egin nahi izan. 2 du ad.-lok. Berez hegan egiteko gai ez diren gauzez mintzatuz, airean goratu eta higitu. Haizea hasi zuela eta kapelak hegan egin ziola. || Askorik ulertzen ez baduzue, utzi irudimenari hegan egiten.
3 du ad.-lok. Hegazkin edo kideko batean airean bidaiatu, gidari nahiz bidaiari bezala. 1934an, Kaliforniatik Hawaiira hegan egin zuen. Badakizu oso urduri jartzen naizela hegan egin behar dudanean. Ez zait gustatzen bidaiatzea, gorroto dut hegan egitea.
4 du ad.-lok. Oso bizkor mugitu. Hegan egin zuen uretan Bou Bizkaia traineruak.
5 du ad.-lok. Denboran gertatzen diren gauzez edo denboraz mintzatuz, bizkor igaro. Denborak hegan egin du eta gaur hamar urte betetzen dira ezbeharra gertatu zenetik. Bizitzak hegan egin baino lehen.
6 du ad.-lok. Pertsonez eta gauzez mintzatuz, ihes egin edo desagertu. Hegan egin dik hire Julietak! Askoren eskuetan diruak hegan egiten dik.
7 du ad.-lok. Albisteez eta kidekoez mintzatuz, oso azkar hedatu. Berriek hegan egiten dute. Albisteek hegan egiten dute herri honetan.