Euskaltzaindiaren Hiztegia

Aztergaia: erreferendum

Iturria:

Formari buruzko oharrak

Euskaltzainen oharrak

 - [E210]: Lehenengo itzulian, "erreferendum" eta "referendum" bi-biak onartu ziren. Bigarren honetan, batekin geratu beharra dago.

 - [E116]: oker egon naiteke, baina hau dut nik gogoan: lehen itzuliari azken ukituak egitean, geuk erantsi genuela er- hasitako forma, lehendik onartua genuen r- hasia baztertu gabe, nahiz ez genituen biak "edo" batekin lotu, beste grafia-bitasunak lotu genituen bezala ("camping edo kanpin" eta "eslogan edo slogan" bezala, alegia). Forma bakarraren alde egin nahi du E210k, eta hala egin dute idazleek, ikusi ahal izan ditudan datuetan (XX. mendeko corpusean, 30 testuingurutan ageri da er- hasia eta 6tan r- hasia; gaurko prosarenean, berriz, 11 aldiz ikus daiteke r- hasia, eta milatik gora aldiz er- hasia: Herria astekarikoak dira hauetan 61, eta 968 Berria egunkarikoak). Orain bakarra aukeratzea, neurriren batean behintzat, lehen itzulikoa "aldatzea" izango litzateke, eta ez dakit bide horretatik abiatzea komeni zaigun (gainera, er- hasia bakarrik onartuko bagenu, r- hasien sailean eman beharko genuke horren berri, eta ez er- hasien zerrenda honetan). Zuek esan. Nire proposamena izango litzateke oraingoz ez ukitzea, baina bigarren itzulia bukatzean honekin zirt edo zart egitea bat aukeratuz: erreferendum, noski. Baina, beharbada, zuhurrago litzate orduraino itxoitea. Jendeak bera ari da aukera egiten, gainera. Hoberena litzateke holako bikotze guztietan jendeak azkenean bat aukeratu eta guk bedeinkatzea.

 - Erabakia: (2008-04-04) ok, utzi dagoen moduan.