Euskaltzaindiaren Hiztegia

Aztergaia: idoi

Iturria:

Formari buruzko datuak

Erabilerak

Bestelakoak

Formari buruzko oharrak

Iritzi-emaileak

 - [E204]: "Ene ustez hobe laiteke forma betea hartzea: ihidoi. Lohi beste gauza bat da eta basa, lupetza lituzke sinonimo" (1993-02-20)

 - [K201]: "eta baltsa ere jaso duzue, baina lokatz/lokatza ez" (1993-02)

 - [E302]: "Iparraldekoei galdetu beharko zaie ea gaur egungo erabileran zein neurritan den zehatza Lhandek aipatzen duen idoi eta lohi, baltsa, arteko sinonimia. Dena dela, ihidoihitzak beste zerbait esan beharko luke: ihi asko dagoen lekua, eta ez lokatza. / Zarautzen baziren ia urtero uholdeek estaltzen zituzten ihi (eta lokatz) ugariko lur-sailak eta ihidi zuten izena (iriyak herriko euskaran). / Bikote hori (idoi / ihidoia), bi hitz eta bi esanahi desberdinekin onar al daiteke? / Bestalde, hiztegian sartzekotan, zehatz definitu beharko litzateke lehenengo esanahia. Idoia = lohia jartzea ez litzateke, agian, nahiko izango. Are gutxiago baltsa, edo basa aipatzea. Basa izaera ia likidokoa da, lokatza berriz ia solidoa, biak ere lurra eta uraren nahasketa badira ere. Basitu pinturak, kakak, lokatzak... egiten du. Zerbaitetan lokaztea, lurrean edo bidean lokatza egitea gauza zeharo desberdina da. Eta hor tartean non geratzen da idoi? Eta gauzak idoitzen al dira? Gainera, hor dugu Idoia izen berezia ere... / Beraz, era honetako hiztegi batean sartzeko ez al da hitz nahasi samarra? Nolako erabilera du Iparraldean? Behar-beharrezkoa al da?" (1995-09-05)

 - [I102]: "arrazongarri ematen du hor aipatzen den eritzia, forma osoa hobe dela, ihidoi, kontutan hartuta gainera ihi ontzat jotzeko dela eta doi atzizki hutsa dela. Horregatik berorregatik, jakina, ihidoiztatu" (1996-06-12)

Euskaltzainen oharrak

 - [E210]: 'Horrek beste adiera bat ere izan dezake (agravio, ultraje)'.

 - [E115]:  Ihidoi ezagutzen dut, irain bezala lehen aldia irakurtzen dudala.

 - Erabakia: BAgiria (1997-07-18): 'Idoi-ren sarreran bi adiera bereiztea onartu da: 1. 'zingira'; 2. Ipar. 'iraina''.

 - Erabakia: (H2.2 / 2010-03-08): Bere horretan utziko da lehen itzulikoa.

 - Erabakia: EH-HB bateratzea (2015-09-07): idoi 1 iz. 'zingira'. idoi 2 iz. Ipar. 'iraina, laidoa'