(...)
1950eko etxeak [...] Aurrekoetan ez bezala, oraingo honetan jatorrizko idazkera gorde dugu, euskal ahoskeraren lekuko garbia ematen baitute, grafia gorabehera, esaterako: Curtzegoico, Vidorratza aspi, Yonsabalena edo Estartetze [...] Idazkera egokia: Agilonesarra / Agirian jasotako idazkeran: Agilone-sarra / Auzoa: Sabino Arana
(...)

(...)
Agilloena (-a) (desagertua) // Ahoz: Akillone // Beste izenak: Agilloenazarra (-a) // Auzoa: Elexalde (Udondo) // Etxaldea Udondo auzoan zegoen, Udua etxaldearen ondoan. XIX. mende amaieran dokumentatzen den Agilloenabarri etxaldearen analogiaz Agilloenazarra ere deitu izan zioten. // Leku-izen hau Agillo (euskaraz Agillu) Trebiñuko herria eta deitura, eta -ena atzizkiaz osatzen da. Atzizki hau noren genitibo kasutik sortu zen eta Agillo deituradun edo jatorriko pertsona baten etxea esan nahi du. Dokumentazioan Agilena, Agiluena zein Agiloena formak agertzen dira, baina pentsatzekoa da Agilloena jatorrizko forma izatea eta diptongatutako hiatoa monoptongatu -oe->-o- edota itxi -o->-u- egin dela aurreko silabaren bokalaren eraginez. // Ahoz, inguru honetan ohikoa denez, amaierako -a itxi egiten da eta Akillone esaten diote
(...)