(...)
Hasteko, zuzeneko itzulpena dago. Administrazioko ordezkariak, eskribauak, funtzionarioak… toponimo baten esanahia iker (edo berez jakin) dezake, baina «ofizialki» idaztean gaztelaniarako itzulpena erabiltzen du. Esate baterako, Arabako herri baten izen ofiziala Portilla dugun arren, izen hori Zabalate izenaren itzulpen librea baino ez da. Antzinako izena inguruko ermita baten adbokazioaren osagai gisa bakarrik mantendu da: Zabalateko Andra Maria. Antzeko kasu bat aurkitzen dugu Aiaratik hurbilago, Amurrio eta Orozko arteko mugan, Aspaltza izen ederra (Atx-baltz-a ‘haitz beltza’), zuzenean itzuli eta Peña Negra eman baita
(...)