(...)
PANTXOA (el Francisco?): "Peio eta Pantxoa", gaurko lapurtar euskal kantariak. Ez dakit izen hau Bidasoz bestaldean zabaldua dagoen ala ez. Gure artean, amultsuki, Pantxo erabili Ohi da.
(...)

(...)
Fran(t)zes, Frantzisko, Patxi, Patxon, Pantxot: Nafarroan oso zabaldua dagoen eta egon den Fran(t)zisko (eta Fran(t)ziska)-ren ondoan Fran(t)zes ere frankotan aurkitzen dugu, Betelun, Izurdiagan, Saratsan, Elon eta Deierriko Asnan (Montalban despoblatuan), adibidez. Fran(t)zisko-ren lehen txistukariari dagokionez, gaurregun Nafarroan afrikaria duela ibiltzen da gehienbat (cf. Frantziskonea etxea, Donezteben). Aldaera hipokoristikoak, bestalde, ez dira atzo goizekoak; cf. Munarrizko Panchot de munarriz (1521), Estenozko Panchot de muez (1521) eta Biloriako 1694ko Francisco fernandez alias Pachi. Toponimian eta oikonimian ere ezagunak dira hipokoristikoetan oinarritutakoak: cf. Ekalako Pachon yturria (1686tik aurrera) edo Alzorrizko Pachirena etxea (1715etik aitzina).
(...)