Datorren ostegunean, irailaren 3an, aurkeztuko da aurtengo Xalbador Egunaren egitaraua. Aurkezpen bikoitza egingo da: goizeko 8:30ean, Baionan, Euskaltzaindiaren ordezkaritzan (Gaztelu Berria. Paul Bert plaza), eta ordu bi geroago, 10:30ean, Donostian, Koldo Mitxelena Kulturunean.
Itxaro Bethart Deiadarra taldeko kideak eta Joxemari Iriondo ohorezko euskaltzainak egingo dute aurkezpena.
2004az geroztik, Deiadarra elkarteak urtero antolatzen du Xalbador Eguna, Urepelen (Nafarroa Beherea), "Xalbadorrek utzitako mezua euskaldunen artean bizirik mantentzeko helburuz". Aurtengoa urriaren 10ean eta 11n egingo da.