lan
1 iz. Onuragarri den zerbait lortzeko egiten den jarduera edo ahalegin jarraitua. Ik. behar1 3. Zure gogoeta, hitz, lan eta nekeak. Zorretan gaude lan horretan ari direnekin. Lan bat hasi, egin, burutu (Ik. lan egin). Idazleak dira lanik handiena egin beharko dutenak. Etxeko lanak. Baserri lanetan. Sortze lana. Argitaratze lana bere gain hartu du. Nabari da oraindik ere atontze-lanak ez dituztela amaitu, baina itxura ona du egoitzak. Zoro lanak dira holakoak. Zure eskuen lana (Ik. eskulan). Eskuzko lanak egiten. Behar bezala egindako lan bat. Etxean zer lan egiten duzu? Laneko idiak. Uda honetarako beste lan bat gaineratu ez balidate (Ik. egiteko). Lan astuna, erraza, handia, gaitza, nekagarria, aspergarria. Lan arina. Hortaz, eskoletan lan handia dute, beren eginbidea betetzen badute. Irakurleari lana errazteko. 2 iz. Arazoa, buruhaustea, zailtasuna. Ik. lanak izan; lanak eman. Hau lana! Bizitzen nahiko lan bada. 3 iz. Jarduera profesionala, ondasunak lortzearren, gizatalde baten barnean eta era arautuan egiten dena. Ik. lanbide. Lanetik bizi. Ongi, gaizki saritutako lana (Ik. lansari). 1948. urtean lan hori galdu zuen. Lan bila dabilena. Etxez etxe saltzen ibiltzea da bere lana. Lana utziko dutela (Ik. lanuzte). Lan arazoak zituzten. Laneko arropetan. Lan-arloko eta Gizarte Segurantzaren arloko neurriak. Lan Ministerioa. Ez dauka lan esperientziarik!, nola kontratatuko dut? Lan-karga % 60 jaitsi da. Bere lan unitatean gutxienez urtebete bete dutela egiaztatzea. Mende luzeetan gatzagarren lan-jarduera nagusia horixe izan zen: gatza ekoiztea. Akordioak lortu behar ditugu gaur egungo lan-egoera hobetzeko. Sindikatuak lan egutegiari buruzko baldintzarik gabeko eztabaida eskatu du. Lan-eremuetan euskara eta ingelesa gero eta gehiago erabiltzen direla nabarmendu du EHUko errektoreak. Harremanak zailak ziren, tentsioa jasanezina, itogarria lan giroa. Lan-proposamena xumea bazen ere, sekulako ilusioarekin heldu omen zioten lanari. Bilboko egoitzak hartu duen aurkezpen ekitaldiaren helburua Euskaltzaindiak Hiztegi Batuari dagozkion erabakiak hartzeko zer irizpide, lan-prozedura eta tresna erabiltzen dituen erakustea izan da. || Kapitala eta lana. Lanaren antolaketa. Lan banaketa sortu zenean. Lanaren irabaziak. 4 iz. Lantokia. (Leku atzizkiekin, singularrean). Gauez lanera bidaltzen zituzten. Nire ahizpak ezin du lanera huts egin. Urduri samar zegoen lanera itzuli behar zuelako. Behargin haiek lanera lotuta zeuden bizi guztirako. Lanean ez da komeni giro gaiztorik. Iluntzean lanetik etxera nekaturik datorrenean. Egun hartan bertan berandu iristeagatik, lanetik bota ninduten.
5 iz. Eskulangile, buru-langile edo artista baten jardueraren ondoriozko gauza. Ik. obra. Euskaltzaindiaren lan eta agiriak. Lan izugarria eta trebea egin du hor Ametzaga jaunak. Irakurria dut haren azken lana. Filosofia gaietan lan sakonak argitaratu zituen. Bost antzerki lan labur. Orixeren poesia-lan guztiak. K. Mitxelenaren euskal lan hautatuak. Haren lan gehienak Parisko museoetan daude. 6 iz. Izadiko indar baten jardun etengabea, ondorio ageria duena; ondorio hori. Uraren lanaren ondorioak. Maitasunaren lanak.
7 iz. fis. Indar baten eta bere ezartze gunearen lekualdatzearen bektore biderkadura. Erregaia lan bihurtzeko behar den energia. Lan unitatea.