Gustatzen zait adizkiak ‘ziurtasuna, objektibotasuna’ adierazten du: Zesta-puntan jokatzea asko gustatzen zait.

Gustatuko litzaidake hiru testuinguru hauetan erabiltzen da gehienbat:

a) ‘Desira edo gurari’ baten adierazmolde gisa (nahi nuke du, sarri, baliokide): Gustatuko litzaidake Orixe eta Lizardiren adiskidetasuna gogoratzea.

b) Erabiltzen da, baita ere, kortesiazko erabileretan: Gustatuko litzaizuke zeozer hartzea? (= hartuko zenuke, nahi zenuke… ditu baliokide testuinguru horretan).

c) Erabiltzen da baldintza baten geroaldiko ondorio hipotetikoa denean ere: Erakutsiko balit, niri ere gustatuko litzaidake.