Euskaltzaindiaren Hiztegia

forma=sasi 2 sarreratan aurkitu da.

sasi

1 iz. Arrosaren familiako landarea, zurtoin luze arantzadunak eta lore zuri edo arrosak dituena eta fruitutzat masusta ematen duena. Ik. lahar. Bide-bazterreko sasiak eta oteak. Berroz berro, sasiz sasi. Eta estaliko dute guztia sasiek, laharrek eta arantzek. Neke handiarekin urratu behar du sasi eginik aurkitzen den lurra. Galdu zituen gari-zelaiak, gailendu zaio sasia. Sasi batean gorde. Sasietan katigatutako ardi ile, maluten antzekoak. Sasi artean dauka hegoa lotua. Bizitza sasi bat da, arrosa eta arantza. Harkaitz eta sasi besterik ez zen itsas hegi murritza. Irakurleari ez zaio biderik gehiegi zabaldu behar, agian, baina arantzaz eta sasiz ihaurtzeak ere ez dirudi egoki. Belarrak jorratu eta artoa sasira bota: zerbait oker egin. Sasitik berrora: txarretik okerrera. Sasiko masusta.

2 iz. Sastraka. Egin zenean, beraz, gizona bera, ez zen nehon oihan eta sasirik baizen. Txori kantua dabil urduri sasian.

3 iz. (Hitz elkartuetan, lehen osagai gisa). Sasikoa, egiazkoa ez dena, benetakotik itxura besterik ez duena. Bagenituen lehen euskaraz sasijakintsuak, sasiletraduak eta sasikumeak; orain, berriz, lehengoen gain, sasi-absolutuak, sasi-helburuak, sasi-kezkak eta nik al dakit beste zenbait sasi-gauza. Ez du horrelako sasi-hizkuntza bat ikasteko asmorik. Sasi-budista da orduan eta ez budista: ez du Budak tentatzen, izutzen baizik. Filosofoak eta sasi-filosofoak. Sasi-galdera erretorikoa.

4 iz. Klandestinitatea. Zazpi urte sasian eman eta gero, atxilotua izan zen.

sasi igel, sasi-igel Luzeran lauzpabost zentimetro dituen igel txiki intsektujalea, azala kolore berde bizikoa duena (Hyla arborea).

sasi txori, sasi-txori Hegazti intsektujalea, txikia, gainaldetik gris arrea eta azpialdetik hori bizia dena (Hippolais polyglotta).

sasi-lahar iz. g.er. Sasia, laharra.

Oharra: azken eguneraketa 2019-07-09

  • Euskaltzaindia - Real Academia de la Lengua Vasca - Académie de la Langue Basque
  • Plaza Barria, 15. 48005 BILBO
  • +34 944 158 155
  • +34 944 158 144
  • info@euskaltzaindia.eus
© 2015 Your Company. All Rights Reserved. Designed By JoomShaper