Silla 2
Arruazun (Nafarroa) jaio zen, 1930eko azaroaren 15ean.
Iruñean (Nafarroa) hil zen, 2003ko martxoaren 27an.
Apaiza eta idazlea.
Euskaltzain urgazle izendatu zuten 1957ko uztailaren 26an, eta euskaltzain oso 1963ko maiatzaren 18an.
“Luzaideko otoitz ttipiak” sarrera-hitzaldia irakurri zuen Luzaiden 1963ko irailaren 16an.
Hilberri-txostena Andres Iñigok irakurri zuen 2004ko urtarrilaren 30ean.
Iruñeko Elizbarrutiaren Seminarioan ikasketak egin ondoren, apaiztu eta 1955ean eman zuen meza berria Arruazun. Madotzen bi hilabetez egon zen apaiz, eta Luzaideko bikario izendatu zuten gero. Bertan egin zituen bederatzi urte, eta ondoren Urdiaingo erretore izan zen erretiroa hartu arte.
Nafarroako Foru Diputazioaren Vianako Printzea Erakundeak 1957an sortutako Euskara Sustatzeko Atalaren kide izan zen. Euskararen erabilera Nafarroan sustatzeko, hainbat neurri hartu zituzten, bereziki haur hezkuntzaren eta ikastolen alorrean.
Euskaltzaindiaren Arantzazuko Biltzarrean (1968) moderatzaile lanak egin zituen. Zuzendaritzari dagokionez, Akademiako idazkari izan zen 1978-1992 artean, eta Nafarroako ordezkari sorreratik 1997 arte. Garai horretan, Euskadiko Autonomia Estatutuak (1979) eta Nafarroako Foru Hobekuntzak (1982) aginpidea aitortu zioten Euskaltzaindiari euskarari buruzko auzietan.
Euskaltzaindiaren batzorde askotan parte hartu zuen, baina Onomastika batzordea nabarmendu daiteke. Azken horretan, pertsona izenen arloa izan zuen aztergai nagusi. Euskal izendegiaren hiru argitaraldi (1972, 1977, 1983) prestatu zituen, eta 2001eko laugarren edizioan, orobat, berak egin zuen oinarrizko zerrenda. Euskal izendegi horrek arrakasta handia izan du azken belaunaldietan.
Beste kultur elkarte askotako kide ere izan zen: Vianako Printzea Erakundea, Instituto Americano de Estudios Vascos (1976), Les Amis de la Vieille Navarre, Juan de Garay Euskal Argentinar Fundazioa (1981), Medikuntza Historiaren Euskal Elkartearen kide sortzaile (1984), Eusko Ikaskuntzako edo Nafar Ateneoko lehen idazkaria (1985-1988).
1979an, hezkuntzan euskararen sarrera arautzeko asmoz sortu zen Eusko Kontseilu Nagusiko bitariko batzordean parte hartu zuen. Ondoren, Eusko Jaurlaritzaren Euskararen Aholku Batzordeko (1988-1993) eta Nafarroako Gobernuaren Kultura eta Euskara kontseiluetako kide izan zen. Bi aldiz aurkeztu zion dimisioa Nafarroako Gobernuari, euskararen arloan hartutako erabakiekiko desadostasunagatik.
Antropologia izan zuen aztergai nagusi, eta edizio ugari ezagutu zituzten haren hainbat liburuk. XVI. eta XIX. mende bitarteko dokumentuak bildu zituen Euskal testu zaharrak (1987) liburuan. Idatzizko testuez gainera, hark jasotako ahozko bilduma Nafarroako Gobernuaren Euskarabidea institutuak hartu zuen, eta gaur egun Nafarroako Euskararen Mediatekaren parte da.
Euskara Sustatzeko Atalak 1966an sortutako Príncipe de Viana aldizkariaren euskarazko gehigarriaren zuzendari izan zen. Halaber, Vianako Printzea Erakundearen Cuadernos de Etnología y Etnografía de Navarra eta Fontes Linguae Vasconum aldizkarien sorreran parte hartu zuen 1969an, eta azken horren zuzendaria izan zen 1988-2003 artean.
Artikulu asko idatzi zituen beste hainbat aldizkaritan ere: Anaitasuna, Anuario de la Sociedad de Eusko-Folklore, Arantzazu, Argaray, Argia, ASJU, BRSBAP, Cuadernos de Historia de la Medicina Vasca, Dantzariak, Diario de Navarra, Diario Vasco, Egan, Egin, Egudiargo, Euskaldunon Egunkaria, La Gaceta del Norte, Gaceta Médica de Bilbao, Garaia, Guaixe, Gure Herria, Gure Mendiak, Donostiako Hoja del Lunes, Herria, Herria 2000 Eliza, Historia 16, Jakin, Jaunaren Deia, Luzaide, El Mundo de los Pirineos, Maiatz, Munibe, Navarra Hoy, Ohitura, Olerti, El País, El Pensamiento Navarro, Príncipe de Viana, Punto y Hora de Euskal Herria, Revista de Dialectología y Tradiciones Populares, Senez, Scripta Theologica, Sukil, Txistulari, Zer Berri?, Zeruko Argia edota Zintzilik.
Besteak beste, honako sari eta ohore hauek jaso zituen: Iruñeko Aurrezki Kutxa Munizipalaren Ehun Urteburuko Euskara saria (1972); Urdiaingo Udalaren omenaldia (1989); Armeniako Mijazgayin Lezvabanakan Akademiaren ohorezko kide (1997); Euskal Idazleen Elkarteko ohorezko kide (1997); Euskal Herriko Ikastolen Elkartearen omenaldia Ibilaldian (Bilbo, 2001) eta Nafarroa Oinezen (Etxarri Aranatz, 2009); Euskalerria Irratiaren Larreko saria (2002); Irujo Etxea elkartearen Manuel Irujo saria (2002) edo Euskal Itzultzaile, Zuzentzaile eta Interpreteen Elkarteko ohorezko kide (2002).
Hil ondoren, Nafar Ateneoren (2003) eta Arruazuko Udalaren (2004) omenaldiak jaso zituen. Bestalde, Andres Iñigo eta Patxi Salaberri euskaltzainek Jose Mari Satrustegi (2004) biografia idatzi zuten.
1962, La puerta de España en el Camino de Santiago, (Gómez).
1974, Solsticio de invierno : etnografía navarra, (Ediciones y Libros).
1975, Euskaldunen seksu bideak, (Ed. Franciscana Aranzazu).
1977, Nafarroako esku-langintza zaharra : sukalde [sic], (Caja de Ahorros Municipal de Pamplona).
1980, Mitos y creencias, (Txertoa).
1981, Comportamiento sexual de los vascos, (Txertoa).
1982, Ordenanzas de la Universidad del Valle de Burunda : 1563 [arg.], (Aranzadi).
1987, Euskal testu zaharrak. I, (Euskaltzaindia). PDF
1988, Solsticio de invierno : (fiestas populares, olentzero, tradiciones de Navidad), (2. arg.), (Ediciones y Libros).
1989, Antropología y lengua : (tradición popular, memoria colectiva), (J. M. Satrústegui).
1999, Sakanerri barrena : historia, herrijakintza eta ohiturak, (Nafarroako Gobernua).
2005, Jose Maria Satrustegi : ereile eta lekuko / Andres Iñigo, (Nafarroako Gobernua ; Euskaltzaindia). PDF
1972, Euskal izendegia, (Euskaltzaindia).
1977, Euskal izendegia, (2. arg.), (Euskaltzaindia).
1983, Euskal izendegia, (3. arg). (Euskaltzaindia).
2001, Euskal izendegia : ponte izendegia, (4. arg., eguneratua eta gehitua), [elkarlanean], (Euskaltzaindia).
1965, Bordel bertsularia, (Auspoa). PDF
1967, Luzaide'ko kantiak, (Auspoa). PDF
1973, Ekaitza, (Ed. Franciscana Aranzazu).
1979, Ipui miresgarriak, (Elexpuru).
1981, Lapur zuriak, (Elexpuru).
1983, Axelko eta otsoko : [abereen ipuinak], (Elexpuru).
1997, Mattin Mottela, (Alsa Grupo).
2002, Argisentiko ipuinak, (Ibaizabal).
2002, Oihan txikiko mamuak, (Ibaizabal).
1970, Ardo ta ogi Martxelin : (gurasotatik haurretara datorren ipuia) / José María Sánchez-Silva, (Gomez).
1972, Laminzulo / idazkia, Greg ; marrazkiak, P. Cuvelier, (Jaimes Libros).
1973, Assis-ko Frantzes Santua : iruzkiaren abestia, (Abadia de Montserrat).
1973, Intzaur koskailu / Amadeo Hoffmann-ek asmatua ; Albert Rué-ren marrazki ta hitz banaketa, (Abadia de Montserrat).
1974, Alizia / Lewis Carrol-en [sic] ipuina ; Albert Rué-ren marrazki ta hitz banaketa, (Abadia de Montserrat).
1998, J. Frantzisko Aizkibel : (1798-1864), (Eusko Jaurlaritza).
2000, Alexander Tapia : (1899-1957), (Eusko Jaurlaritza).
2001, Perpetua Saragueta : (1905-1986), (Eusko Jaurlaritza).
2002, Jose Agerre : (1889-1962), (Eusko Jaurlaritza).
2003, Frantzisko Torres Ibañez Aita Felipe Murietakoa : (1897-1966), (Eusko Jaurlaritza).
2003, Norbert Tauer : (1898-1983), (Eusko Jaurlaritza).
1961, "Aportación al estudio de la onomástica tradicional vasca". PDF
1962, "Bordel'en mintzaira". PDF
1963-1964, "Vocabulario popular". PDF
1968, "-Di, botanika atzizkia?". PDF
1973, "Euskal izendegiaz". PDF
1973, "Giza emakumeen izendegia". PDF
1974, "Juan Goikoetxea Zabalo (1905-1973) [hilberri-txostena]". PDF
1975, "Urdaingo [i.e. Urdiaingo] zizen izenak". PDF
1977, "Ahaidego izenak". PDF
1977, "Euskara herrikoiaren magnetofoi bilketa". PDF
1977, "Euskal izendegiaren azken orraztapenak". PDF
1977, "Euskal izendegiaz". PDF
1977, "Pedro Diez de Ulzurrun Ezcurdia, apaiza (1907-1977) [hilberri-txostena]". PDF
1978, "Euskal izendegiari buruzko agerpena". PDF
1978, "Euskaltzain berriari erantzuna [Henrike Knörr euskaltzainaren sarrera ekitaldian]". PDF
1979, "Aizkibel euskara batuaren aintzindari". PDF
1979, "Bordel bertsolaria zenaren ehun-urteburua". PDF
1981, "1979.eko magnetofoi bilketa". PDF
1981, "Adoain-go Esteban agurgarriaren mendeurrenaz : Donostia, 1980-X-30 : [kronika]". PDF
1981, "Bidasoaldeko zenbait berezitasun". PDF
1981, "Euskal alfabetatze ekintzaren lehen iturriak". PDF
1981, "F. Ondarra euskaltzain berriari erantzuna". PDF
1981, "Homenaje al Padre Esteban de Adoain en el centenario de su muerte (1880-1989)". PDF
1982, "Imanol Berriatuak hasitako lanaren jarraipena". PDF
1982, "J. Slaby urgazlea dela eta". PDF
1982, "Pertsona izendegiaren hirugarren argitalpena". PDF
1983, "Batasunaren aldeko Arestiren gutunak [Norbert Tauerri bidalitakoak]". PDF
1983, "Norbert Tauer (1899-1983) [hilberri-txostena]". PDF
1983, "Txekoslobakiako itzuliaren berri eta ondoreak". PDF
1984, "Aingeru Irigaray (1898-1983) [hilberri-txostena]". PDF
1984, "Norbert Tauer euskaltzain ohorezkoaren gutunak". PDF
1987, "Aita Damaso Intzakoa (1886-1986) gizon, elizgizon eta euskaltzale [hilberri-txostena]". PDF
1988, "Migel Jabier Urmeneta (1915-1988) [hilberri-txostena]". PDF
1988, "Jose Estornes Lasa (1913-1987) [hilberri-txostena]". PDF
1988, "Marcelino Garde, Erriberako euskalduna (1925-1990) [hilberri-txostena]". PDF
1990, "Migel Jabier Urmenetaren omenez". PDF
1991, "El euskera en Tierra Estella : evolución histórica". PDF
1992, "Euskaltzaindiaren laguntzailleak (1959-1963)". PDF
1992, "Herri-narratibaren eremua". PDF
1994, "Arturo Campionen itzala". PDF
1995, "Julio Caro Baroja (1914-1995) : in memoriam [hilberri-txostena]". PDF
1995, "Nils M. Holmer (1904-1994) [hilberri-txostena]". PDF
1995, "Pedro Diez de Ulzurrun, sendagilea (1924-1994) [hilberri-txostena]". PDF
1995, "Testu ihartuak euskal tradizioan". PDF
1998, "Aizkibel : Argien Mendeko azkoitiarra (1798-1865)". PDF
1998, "Jose Maria Azpiroz (1916-1997) [hilberri-txostena]". PDF
1999, "Aingeru Irigaray, euskararen sustatzaile". PDF
1999, "Bernardo Estornes Lasa (1907-1999) [hilberri-txostena]". PDF
1999, "Euskaldunak poemaren sortaroa eta beraren ikuspegi orokorra". PDF
1999, "Euskal izendegiak egindako bidea". PDF
1999, "Santutegiko Done forma hegoaldeko tradizioan". PDF
2001, "Nafarroako euskararen azkenaldiko historia". PDF
2002, "Jose Mari Jimeno Jurio : (1927-2002) [hilberri-txostena]". PDF
2002, "Mitoa herri-kantu eta ipuinetan". PDF
1981, "Xukako aditz joskera Luzaideko mintzairan". PDF
1983, "Lasarteko bertso paper zahar bat (1716)". PDF
1992, "Zaraitzuko euskararen lekukoak". PDF
1997, "Gerra ondoreko Euskaltzaindiaren pizkundea". PDF
2008, "El euskera en Tierra Estella : evolución histórica". PDF
La Biblioteca y Archivo Azkue está al servicio de Euskaltzaindia. Además, está abierto a todos los investigadores e intenta fomentar la investigación y ayudar en la difusión de los temas culturales vascos, en el marco de sus posibilidades.
