"Iruñeko jardunaldiko lehen saioan, Mikel Zalbidek Euskaltzaindiko Jagon sailaren ibilbidea laburbildu zuen, hainbat galdera oinarri hartuta: noiz nola sortu zen Jagon saila, eta zertarako; zer mugarri finka litezkeen bere ibilian; zer balorazio egin litekeen, eta hortik abiatuta, azkenik, aurrera begira zer. Euskarak, baldin eta biziko bada, egunerokoan beharrezko izan eta ingurumenean aplikatu ahal izateko egokitu egin beharko duela aurreikusi zuen Euskaltzaindiak, sortze beretik. Ikuspegi soziologiko horrek azaltzen du akademiaren bitasuna, eta bereziki Jagon saila.
(Garbiñe Ubedaren kronika/ XXIII. Jagon jardunaldiko lehen eguna: 2019-01-17)

-Gaurko akordioarekin erakundeen arteko harremanetan sakondu eta elkarlanean jardun nahi da. Hauek izan dira Europako hizkuntza akademia eta instituzioen arteko ituna babestu duten erakundeak: Andres Urrutia (Euskaltzaindia); Cor van der Meer (Fryske Akademy); Benoit Dazeas (Lo Congrès Permanent de la Lenga Occitana); Henrique Monteagudo (Real Academia Galega); Joan Argenter (Institut d´Estudis Catalans); eta Elena Chiocchetti (EURAC - Institute for Applied Linguistics).
-Gainera, mendeurreneko hirugarren jardunaldi akademikoan hizkuntza-eskubideei buruz egindako adierazpenak (Euskaltzaindiaren Adierazpenak. 1976-2018) eta ‘Hizkuntza-zuzenbidea-Testu-bilduma euskaraz’ argitaraldi elektronikoak aurkeztu dira.

-Iruñeko biltzarraren lehen jardunaldian, Andres Urrutia euskaltzainburuak azpimarratu du lurralde bakoitzean “hizkuntzaren biziberritze lanean egunero inplikaturik dagoen euskalgintzarekin batera” jardun behar duela Akademiak.
-Urrutiarekin batera, Uxue Barkos Nafarroako Gobernuko lehendakaria, Ainhoa Aznarez Nafarroako Parlamentuko presidentea, eta Joseba Asiron Iruñeko alkatea izan dira.
-Mikel Zalbide euskaltzainak Euskaltzaindiaren ehun urteko jagote-lana aletu du, eta Jon Sarasua Mondragon Unibertsitateko kideak azken 15 urteotako erradiografia egin du, munduko beste hizkuntza gutxiagotuetako hiztunekin lankidetzan aritzeak ematen dion talaiatik.
-Jean-Guy Talamoni Korsikako Parlamentuko presidentea Nafarroako ordezkari politiko nagusiekin bildu da, goizez, eta hitzaldia eman du arratsaldean.

-Mendeurreneko hirugarren jardunaldi akademikoa Baluarten izanen da, bihar eta etzi –goizez-: ‘Hizkuntza gutxiagotuak jagon, euskaraz bizi- XXIII. Jagon jardunaldia’. 
-Euskaltzaindiaren Adierazpenak (1976-2018) eta Hizkuntza-zuzenbidea - Testu-bilduma euskaraz argitaraldi elektronikoak aurkeztuko dira jardunaldi honetan.
-Biltzarra baliatuz, Euskaltzaindiak hizkuntza gutxiagotuekin lan egiten duten hainbat akademiaren arteko sare sendoa osatu nahi du. Programa osoa, HEMEN.

Zuzenean, (gaur)

Zuzenean, (bihar)

-Iaz, Arantzazuko nazioarteko biltzarraren baitan, Euskaltzaindiak Euskara Batuaren Adierazpena (EBA) aurkeztu zuen jendaurrean. Egun horretan bertan 36 erakundek sinatu zuten Adierazpena, eta jada 50etik gora dira dokumentuarekin bat egin dutenak. Orain, Geroa Bai alderdiak ere bere atxikimendua eskaini dio EBAri, Koldo Martínez parlamentariak Euskaltzaindiari igorritako gutun baten bitartez. 
-Koldo Martínez (Geroa Bai): "Hizkuntza batek etorkizuna izan nahi badu estandarizazioa finkatzea ezinbestekoa da".

-Besteak beste, Karmel aldizkariaren abenduko zenbakian 2018ko urrian Arantzazun egin zen nazioarteko biltzarra aztertu dute. Zenbaki berrian Garbiñe Ubeda kazetari eta idazleak idatzitako kronikak publikatu dituzte (lehenik Plazaberrin agertu zirenak).
-2018ko azaroan, diplomak jaso zituzten 2015 eta 2018 artean euskaltzain urgazle edo ohorezko izendatutakoek. Ekitaldiaren gorabeherak aletzen ditu Karmelen Luis Baraiazarra idazle eta ohorezko euskaltzainak, eta horrek Julen Urkizaren bizitza eta lana jorratzeko bidea ematen dio.
-Joan Mari Torrealdaik Arantzazun irakurri zuen Euskara Batuaren Adierazpena ere publikatzen da Karmelen 304. zenbakian, osorik.
-Gainera, abenduko zenbakiak Jabier Kaltzakorta, Patxi Uribarren eta Patxi Salaberri euskaltzainen artikuluak dakartza, Joseba Aurkenerena eta Ana Urkizaren idazlanekin batera.

-Aitortzak, omenaldiak, bisitak, aurkezpenak, hartu-emanak, jardunaldiak, hitzarmenak...

-Udaleko Gobernu Batzordeak 25.000 euroko diru-laguntza eman dio Euskaltzaindiari, Bilbon egingo diren zenbait ekitaldi eta jardunaldi garatzeko. 
-Bilboko Udalaren eta Euskaltzaindiaren arteko gainerako hitzarmenen antzera, honako hitzarmen hau udalaren euskara sustatzeko ekintza-planaren barruan txertatuko da, planak dakartzan  hiru helburu estrategikoak lantzeko: euskararen transmisioa sustatzea, hizkuntzaren gizarte erabilera bultzatzea eta hizkuntzaren kalitatea zaintzea.