• Eta ahoskera zer? lelopean ahozko komunikazioaren ertzak landu dira gaur, Gasteizen. Artium Museoan egin da mendeurrenaren baitan antolatu den laugarren jardunaldi akademikoa.
• Lourdes Oñederra, Euskaltzaindiko Ahoskera batzordeburua: “Ahoskerak axola du eremu kognitibo eta psikolingusitikoan, hiztunari ziurtasuna ematen diolako ahoskera egokia izateak; eta baita eremu soziolinguistikoan, euskara normalizatzeko hizkera mailak garatu behar direlako gaztelaniaren eta frantsesaren ereduetatik babestuz”.
• María Heliodora Cuenca Villarín, Sevillako Unibertsitateko irakaslea: “Orain arte arreta gutxi eskaini izan zaio ahozkotasunari. Denbora gutxi dago horretarako, ikasleen ahozkotasuna ez da ebaluatzen, irakasleen artean prestakuntza gabezia handia dago, ez da proiektu curricularretan sartzen, gutxi ikertzen da, material eza dago…”
• Julia Marin antzerki itzultzailea: “Ahots gora irakurri behar da lehendabizi, eta gero erreparatu mezuari; ondoren, testua ‘okupatzen’ ikasi behar da, bolumena eman: hitzak edukiz eta esanahiz bete, esaldien hierarkiari erreparatu, testu zatiak bereizi, testuaren egituran oinarritu…”

• Mendeurreneko laugarren jardunaldi akademikoa Artium Museoan izanen da, goizez (09:00-13:45). Hasiera ekitaldian parte hartuko dute Andres Urrutia euskaltzainburuak, Miren Lourdes Oñederra Euskaltzaindiaren Ahoskera batzordeburuak, Igone Martínez de Luna Arabako Euskara foru diputatuak eta Iñaki Prusilla Gasteizko Udaletxeko Euskara zinegotziak.
• Eta ahoskera zer? lelopean, ahozko komunikazioaren ertzak landuko dira Gasteizen.
• Programa osoa, HEMEN.
• 106 lagunek eman dute izena, baina streaming bidez ere jarrai daiteke jardunaldia, Akademiaren Youtube-ko atarian: https://youtu.be/CYncSq4nTRg 

• Larunbatean, otsailak 16 dituela, Mauleko Ondarearen Etxean inauguratuko da erakusketa. Baionako Biltzarraren ekarpenari eta garaiari luzatzen die begirada erakusketak.
• Goizeko 11:00etan izango da ekitaldia, eta Andres Urrutia euskaltzainburuak, Xarles Videgain euskaltzainburuordeak eta Mixel Etxebest Maule-Lextarreko auzapezak parte hartuko dute.
• Euskal Elkargoaren, Euskararen Erakunde Publikoaren, Baionako Herriko Etxearen eta Crédit Agricole-ren babesa jaso du erakusketak.

• Mendeurreneko laugarren jardunaldi akademikoa Artium Museoan izanen da, otsailaren 14an eta goizez (09:00-13:45).
• Eta ahoskera zer? lelopean, ahozko komunikazioaren ertzak landuko dira Gasteizen. 
• Lourdes Oñederra (Euskaltzaindiko Ahoskera batzordeko burua): “Jardunaldi honen helburu behinena komunikazioa da: arauaren arduradunen, irakasleen, ikasleen, kazetarien... Azken batean, hizkuntzaren erabilera osasuntsua nahi eta behar dugunon arteko komunikazio ahalik eta onena”.
• Egitaraua, HEMEN.
• Izen-ematea (otsailaren 12a bitarte zabalik): Helbide elektroniko hau spambot-etatik babestuta dago. JavaScript gaituta izan behar duzu ikusi ahal izateko. / +34 943 42 80 50 / +34 944 158 155 / +33 (0) 559 25 64 26/ +34 948 22 34 71 (plaza mugatuak/ aldi bereko itzulpena).

• Hizkuntza gutxiagotuak jagon, euskaraz bizi - XXIII. Jagon jardunaldiko bideoak eskegi ditugu, Akademiaren Youtubeko atarian:
  https://www.youtube.com/channel/UCHxsqx-kYOjyIjWUmrIkkFw/videos

• Ostiralean, Argia Sariak banatu ziren Usurbilgo Atxega Jatetxean. Aurtengoa ekitaldi berezia izan da, batetik 30 urte egin dituztelako Argia Sariek, eta bestetik mendeurrena ospatzen ari direlako euskarazko astekarian. Ezinbestean, mendeurrenak zipriztindutako ekitaldia izan zen ostiralekoa, merezimenduzko sariak Eusko Ikaskuntzari eta Euskaltzaindiari ematea erabaki zutelako. "Euskara eredu batua proposatu zuen duela 50 urte Euskaltzaindiak; oraingo ikuspegitik, gure hizkuntzak ez luke etorkizunik baturik gabe. Saritua eta euskarazko kazetaritza eskutik ari gara lanean, elkar elikatuz, gure lanbidearen oinarrizko tresna zorrozten eta aberasten", adierazi zuten sari-emate ekitaldian Argiako arduradunek.

-Urtarrilaren 31n hasita, antzerkizaleek hiru pieza ikusteko aukera izango dute ostegunero, lau astetan iraungo duen jaialdian.
-Euskaltzaindiaren mendeurreneko ospakizunen baitan sartzen da ‘LAUTAN HIRU antzerki txikia, festibal handia’ egitasmoa, eta Akademiak Cafe Bar Bilbaorekin, ZazpiKatu gaztetxearekin eta BIRA kulturgunearekin elkarlanean antolatu du ekimen berria. Halaber, lau eragileen egoitzak izango dira antzezlanen agertokiak –astean hiru pieza–.
-Egitasmoaren helburuetako bat euskarazko antzerkia hauspotzea da.

"Jagon Jardunaldiaren bigarren egunak argazki ikusgarri bat eta egitasmo mamitsu bat eman zituen Iruñeko Baluarten, Europako hizkuntza gutxiagotuak zaintzen edota ikertzen dituzten erakundeak lankidetzan jarduteko ituna hauspotu baitzuen Euskaltzaindiak. Honela, sei lagunek bat egin zuten han bertan, nork bere erakundea ordezkatzen zuela.
(Garbiñe Ubedaren kronika/ XXIII. Jagon jardunaldiko bigarren eguna: 2019-01-18)

-Iaz, Arantzazuko nazioarteko biltzarraren baitan, Euskaltzaindiak Euskara Batuaren Adierazpena (EBA) aurkeztu zuen jendaurrean. Egun horretan bertan 36 erakundek sinatu zuten Adierazpena, eta jada 50etik gora dira dokumentuarekin bat egin dutenak. Orain, Ezker Anitza-IU alderdiak ere bere atxikimendua eskaini dio EBAri.