- Baionan eta Maulen erakutsi ondoren, Hazparneko Mediatekan izanen da erakusketa ibiltaria, maiatzaren 2tik ekainaren 6a bitarte (sartzea dohainik).
- Erakusketaren nondik norakoak gaur azaldu dituzte Naia Montagut Hazparneko Mediatekako zuzendariak, Xarles Videgain euskaltzainburuordeak, Xabi Haritschelhar Hazparneko kultura eta euskara zinegotziak eta Miren Etxekopar Mediatekako euskara arduradunak.
- Xarles Videgain (Ipar Euskal Herriko Euskaltzaindiaren ordezkaria): “60. hamarkadan euskararen batasunari Ipar Euskal Herritik egin zitzaion ekarpenari buruzko erakusketa da Hazparnen ikusiko dena. Gogoan izan behar da 1964an Baionan ezarritako erabakiak ezagutu eta ontzat harturik, 1968ko Arantzazuko bilkura antolatu zuela Euskaltzaindiak”.
Irakurri gehiago: ‘Baiona, 1964: euskara batuaren zedarria’ erakusketa Hazparneko Mediatekan erakutsiko da,...
- Euskaltzaindiaren nazioarteko literatura jardunaldia maiatzaren 16an eta 17an egingo da, Akademiaren egoitzan (Plaza Barria, 15 – Bilbo). Parisko ITEM-ekin batera antolatu du Euskaltzaindiak biltzar berria, eta nazioarteko 26 hizlarik parte hartuko dute.
- Programa osoa ikusteko, klikatu HEMEN.
- Euskararen Akademiaren mendeurreneko seigarren jardunaldi akademikoaren leloa Idazkien eta hizkuntzen arteko itzulpena: eskuizkribuak, inprimakiak, literatura-artxiboak izanen da.
- Aurelia Arkotxa (euskaltzain osoa eta jardunaldiaren koordinatzailea): “Idazlearen tailerrean geratzen den mundu aberats hori aztertu nahi dugu, horretaz gogoeta egin, Iberiar geografian agertzen diren berezitasunei erreparatuz, eta, bereziki, euskal eremuan agertzen direnei”.
- Biltzarrerako izen-ematea zabalik dago maiatzaren 13a bitarte: Helbide elektroniko hau spambot-etatik babestuta dago. JavaScript gaituta izan behar duzu ikusi ahal izateko. / +34 943 42 80 50 / +34 944 158 155 / +33 (0) 559 25 64 26/ +34 948 22 34 71 (doako sarrera / plaza mugatuak / aldi bereko itzulpena / streaming bidez eskainiko da jardunaldi osoa, zuzenean).
- Euskaltzaindiaren II. Nazioarteko Dialektologia Biltzarrak atlas linguistikoen baliagarritasuna aldarrikatu du Bilbon. Ikerketa-lerro esanguratsuak zabaltzen dituztela ere frogatu da, beste diziplinetarako iturri eta oinarri izan litezkeen neurrian. Euskararen Herri Hizkeren Atlasak, X. liburukia plazaratzearekin batera, bere barruan gorderik duen altxorra azaleratzeko erronkari heldu nahi dio.
(Garbiñe Ubedaren kronika)
- Bilboko Euskal Museoan Euskaltzaindiak antolatu berri duen Dialektologia biltzarreko hitzaldiak eskegi ditugu Youtubeko gure atarian: Xarles Videgain, Miriam Urkia, Amaia Jauregizar, Xulio Sousa, Joan Veny, Iñaki Camino, Isabel Molina, Hans Van de Velde, Manuel González, Ziortza Eguren...
- Guztiak, hemen: https://m.youtube.com/channel/UCHxsqx-kYOjyIjWUmrIkkFw/videos
- Oraingo liburukiak 239 mapa erakusten ditu, ondorengo gaiak jorratu direla: jokoak, kirolak, bertuteak eta bizioak, gorputzeko gabeziak, larruazaleko gaitzak, gaixotasunak, heriotza, ezkontza, gizarte-bizitza, ahaidegoa, erlijioa, sinesteak, lana eta beharginak.
- Euskararen Herri Hizkeren Atlasak (#EHHA) ahozko euskararen aldaerak mapetan jasotzea du xede, eta argitaraturiko liburuki guztiak (mementoz, hamar)kontsulta daitezke Euskaltzaindiaren web orrian (www.euskaltzaindia.eus/ehha),5. eta6. liburukiko audioekin batera.
- Andres Urrutia (euskaltzainburua): “Ez dezagun euskararen arkeologia egin. Egin dezagun biologia”.
- Xabier Egibar (Laboral Kutxako zuzendaria): “Laboral Kutxak euskal kulturarekin daukan konpromisoa berretsi eta hainbeste baloratzen duen Euskaltzaindiaren lan akademikoa gizarteratzeko ekarpenak egiten jarraitu nahi du”.
- Adolfo Arejita (EHHA proiektuaren zuzendaria): “Atlas guztiak ez dira modu berean landu. Hobetzen joan gara, eta jasotzen diren oharretan testuak ere badu garrantzia, ez bakarrik hitzak. Eta mamiak ere badu garrantzia. Hizkuntzaren hezurdura mamiz osatzen ere lagundu nahi du Atlasak”.
- Xarles Videgain (EHHA proiektuaren arduradun teknikoa): “Euskaltzaindia altxor baten jabe da eta baldintzak bilduak dira, Euskaltzaindia izan dadin federatzaile. Tenorea da eta Euskaltzaindiak badu indarra ahaleginak batzeko eta harreman intelektualak hedatzeko. Izan dadila hamargarren liburukia xede horren mugarri eta zedarri”.
- Besteak beste, II. Nazioarteko Dialektologia Biltzarraren lehen jardunaldian atlas lingüistiko desberdinen onurak agertu dira. Bihar, bigarren jardunaldiaren baitan, Euskararen Herri Hizkeren Atlasaren X. liburukia aurkeztuko da.
- Bingen Zupiria (Kultura sailburua): “Euskara batua ez du Euskaltzaindiak egin, erabiltzaileok egingo dugu edo ez da izango”.
- Lorea Bilbao (Bizkaiko Euskara eta Kulturako foru diputatua): "Kontua ez da aldaera bat edo euskara batua, kontua euskara bera da, edonor eroso sentitzeko modukoa izatea”.
- Andres Urrutia (euskaltzainburua): “Batasunak ez du euskararen kaleidoskopioa ukatzen; batasuna osatu eta aberastu egiten da, prisma horren kolore guztiak hartzen dituenean”.
- Euskara Ibiltaria erakusketa berritua eta interaktiboa Bilboko Euskal Museoan izanen da ikusgai, ekainaren 16a bitarte.
- Laboral Kutxak babesten duen Euskararen Herri Hizkeren Atlasaren (#EHHA) materialekin egin da erakusketa, euskaldun eta erdaldunei zuzendua dagoena. Bide batez, Atlasaren X. liburukia 15ean aurkeztuko da, bihar hasi eta bi egunez luzatuko den Nazioarteko Dialektologia biltzarraren barruan.
- Zentzumenak baliatuz, euskararen hitz eta hotsekin jolastu, ikasi eta entretenitu ahal izango du bisitariak: lau joko, puzzle bat, 54 mapa interaktibo, herritarren ahotsak…
- “Ikusi, entzun eta usaindu daitekeen erakusketa da Euskara Ibiltaria”, azpimarratu du Xarles Videgain EHHA egitasmoaren arduradunak.
- Andres Urrutia (euskaltzainburua): “Gaur aurkezten dugun ekimen hau aurrera ateratzeko behar-beharrezkoa izan da elkarlana. Beraz, eskerrik asko Atlasaren proiektua hasiera-hasieratik babestu duen Laboral Kutxari, eta baita Eusko Jaurlaritzari, Nafarroako Gobernuari, Euskal Hirigune Elkargoari, Euskararen Erakunde Publikoari, Bizkaiko, Arabako eta Gipuzkoako foru aldundiei, Bilboko Udalari, eta, nola ez, Euskal Museoko arduradunei”.
- Pedro Sánchez Espainiako gobernuburuak ordu betez bisitatu du Euskaltzaindiaren Bilboko egoitza. Espainiako Gobernuko presidente batek Euskararen Akademia bisitatzen duen lehen aldia da.
- Andres Urrutia (euskaltzainburua): “Euskaltzaindiarentzat garrantzitsua da bisita hau, eta eskertzen diogu Pedro Sánchez Espainiako gobernuburuari bere begirunea eta adeitasuna”.
- Sánchezek Azkue Biblioteka eta Agiritegia ezagutu ditu, Euskaltzaindiaren Ohorezko Liburuan sinatu ostean.
- Euskaltzaindiaren mendeurrenaren baitan elkarlanean ekoiztutako ikuskizunak euskararen bilakaera aletzen du dantzaren bitartez.
- Xabier Paya kulturgilearen gidoian oinarrituta, Aitor Etxebarriak egin du musika, Ainhoa Aierbe eszena-zuzendaritzaz arduratu da eta Aukeran dantza-taldeak sortu ditu koreografiak. Bilboko Loraldia jaialdiaren barruan estreinatuko da, martxoaren 16an.
- Andres Urrutia (euskaltzainburua): "Elkarlana Euskaltzaindiaren zigiluetako bat izan da betidanik. Eta BIZ HITZA elkarlan horren emaitza zoragarrietako bat da".
- Edu Muruamendiaraz (Aukeran): "Guretzako erronka izugarria izan da, pozik eta arduraz bete duguna".
- Xabier Paya (gidoigilea): "BIZ HITZA euskara batuaren historia dantzatua da, baina, era berean, obra unibertsala da".
(Aukeran dantza taldeko argazkia: David Herranz)
Mendeurrenaren Ohorezko Patronatua
Babesleak
Hedabide laguntzaileak
Egoitza
- B
- BIZKAIA
- Plaza Barria, 15.
48005 BILBO - +34 944 15 81 55
- info@euskaltzaindia.eus
Ikerketa Zentroa
- V
- LUIS VILLASANTE
- Tolare baserria. Almortza bidea, 6.
20018 DONOSTIA - +34 943 42 80 50
- donostiaordez@euskaltzaindia.eus
Ordezkaritzak
- A
- ARABA
- Gaztelako atea, 54
01007 GASTEIZ - +34 945 23 36 48
- gasteizordez@euskaltzaindia.eus
- G
- GIPUZKOA
- Tolare baserria. Almortza bidea, 6
20018 DONOSTIA - +34 943 42 80 50
- donostiaordez@euskaltzaindia.eus
- N
- NAFARROA
- Oliveto Kondea, 2, 2. solairua
31002 IRUÑEA - +34 948 22 34 71
- nafarroaordez@euskaltzaindia.eus
Elkartea
- I
- IPAR EUSKAL HERRIA
- Gaztelu Berria. 15, Paul Bert plaza.
64100 BAIONA - +33 (0)559 25 64 26
- +33 (0)559 59 45 59
- baionaordez@euskaltzaindia.eus