1964ko Baionako biltzarraren irudi harrigarriak, agerian

: 03 Urria 2018

Basque-Eclair egunkariak, Janbattitt Dirassar euskaltzain ohorezkoa erredaktore zuela, hurbiletik jarraitu zituen Baionako biltzarraren gorabeherak. 1964ko agorrilaren 29an, biltzarkideek bi egunez burutuko zuten programa azaldu zuen, eta biharamunean, berriz, kronika ilustratu bat eman zuen argitara, Jean Grenet Baionako auzapezak Herriko Etxean eskaini zien ohorezko brindisaren berri emaneko.

Besteak beste, Gabriel Aresti, Rikardo Arregi, Telesforo Monzon, Txillardegi, Jesus Intxausti, Jakes Abeberri eta Jean Haritxelhar ageri dira, kopa bat ardo eskuan. Sud-Ouest egunkariak irailaren 1ean aipatu zuen Baionako biltzarra.

Testua: Garbiñe Ubeda

altuna letamendia barandiaran aresti irakasleak

Albisteok Xarles Bidegain euskaltzainburuordeak aurkitu zituen, garai hartako hemeroteka arakatzen ari zela, eta harridura agertu zuen aurtengo irailaren 13an, 'Euskara batua eta Ipar Euskal Herria: 1964-2018' jardunaldian, argazkiotan izen-abizenez aipatzen ez diren bakarrak emakumezkoak direlako.
goienaga monzon arregi
(Goienaga, Monzon eta R. Arregi)