Personal names

Erdi Aroko euskal izena, Andrez eta Antsaz osatua (ikus sarrera horiek). 1226an Oltza zendean (Nafarroa) aurkitzen dugu (Andranssa) eta XIV. mendean Nabaskozen (Nafarroa) (Andre Ansa). Bilbon XV. mendean bizirik zegoen, artean ere (Andrransa de Çeberyo, Andre Ansa de Çeberyo, 1464). Andresantsa aldaera ere bada.

Erdi Aroko euskal izena, Andrez eta Apalaz osatua. Ikus Andrea eta Apala.

Erdi Aroko euskal izena, Andrez eta Auriaz osatua. Uztarrozen 1366an Andre Auria azaltzen da. Ikus Andrea, Auria eta Oria.

Erdi Aroko izena, Andrez eta Bitaz osatua. 1033an Andrebita dugu Adoainen (Nafarroa). Ikus Andrea eta Bita.

Erdi Aroko euskal izena. Osagaiak Andre aposizioa eta Dauneta izena (cf. Daunet maskulinoa) dira. Donibane Garazin (Nafarroa Beherea) aurkitzen dugu, 1208an.

Erdi Aroko izena, Andrez eta Domekaz osatua. 1212an agertzen da, Etxabakoitzen (Nafarroa). Ikus Andrea eta Domeka.

Erdi Aroko izena, Andrez eta Dotaz osatua (ikus sarrera hauek). Aurrenekoz 1003. urtean aurkitzen dugu, Leireko (Nafarroa) dokumentazioan (Andretota de Murelo).

Erdi Aroko euskal izena, Andrez eta Gailaz osatua. Andregailla 1183an Iruñeko katedraleko artxiboan ageri da eta 1366an Lintzoainen (Nafarroa), besteak beste. Ikus Andrea eta Gaila.