Biek balio dute harridura-perpausak sortzeko, Euskaltzaindiaren Hiztegian ikus daitekeenez: [EH:zer,5], [EH:zein,7].

Badute diferentzia nabari bat, hala ere:

- Izena bakarrik doanean, ZER erabiltzen da: Zer zoriona!, Zer bakea!, Zer neska! (*Zein liburua!).

NOLAKO adjektiboak ere badu tokia hor: Nolako zoriona! Halaber du tokia HAU erakusleak: Hau zoriona!

- Izena eta adjektiboa, adjektibo soila edo adberbioa doazenean, berriz, baliokideak dira ZER eta ZEIN (eta ZEINEN).

NOLAKOk hor ere balio du.

Zein/Zer/Zeinen/Nolako neska bikaina zaren!

Zer/Zein/Zeinen/Nolako handia den! Zer/zein/zeinen/nolako laster egin duzun!