JAGONET galde-erantzunak
Orduak adieraztea: zenbait zalantza
Hona hemen zenbait zalantza:
a) Erdia adierazteko, bi modu aipatzen dira oro har, sei t´erdiak (Hegoaldean), seiak eta erdiak (Iparraldean). Laburpenean, ostera, Hegoaldeko forma baino ez da ageri.
b) Ordu bat eta erdiak ala ordu bat eta erdia?
c) Orduen adibideetan ez dira agertzen honelako kasuak: 13,45tan (?).
d) Nola idatzi: 12.10 ala 12:10?
a) 35. arauak, datuen eta azken laburpenaren artean, proposamena dakar. Eta honela dio:
"Erdia adierazteko, pluraleko marka bigarren osagaian bakarrik ezartzea gomendatzen da batasunerako (...). Oren ezartzen denean, berriz —Iparraldean maiz egiten den bezala— bi osagaietan emango da pluraleko marka".
b) Arauaren laburpenean ordu bat eta erdiak ematen da.
c) Arauan hauxe esaten da: "orduei pluraleko kasu-marka ezarriko zaie, eta minutuei singularrekoa". Beraz: 13:45ean.
d) Nazioarteko konbentzioa bi puntu ezartzea da; beraz, 12:10 idatzi.
Ikus hauek ere: "Orduak adieraztea: eta erdi / ?t’erdi" (JAGONET), "Orduak adieraztea: deklinabidea (03:00etan, 04:00etan, 13:00etan)" (JAGONET).
Informazio gehigarria:
- "orduak nola esan" (EBE)
- Ikus hau ere: "Orduak adieraztea: komunztadura (eta erdiak / *eta erdia)" (JAGONET)
Zalantza-mota: morfologia > orduak, morfologia > mugatzaileak, ortografia > marka tipografikoak, sintaxia > komunztadura
Unitate-mota: hitzak > determinatzaileak, hitzak > izenak, karaktereak > markak, zenbakiak > orduak
Orrialde honetako dokumentu, zerrenda eta datu-baseak Creative Commons Aitortu-EzKomertziala-PartekatuBerdin baimen baten mende daude.
